الفصل الثالث: (كمين جوي مع اعضاء البطالة)


دقيت على ابراهيم خليل وقلت له خلاص ذبحت قلب المملكة والحين انا رايح لمصر وابيك تخاويني قالي هيا الحين جاي ...المهم جا الرجال وطلعنا الطيارة سوا ويوم طلعنا جلس قلب المملكة على يساري وهو متلثم وابراهيم خليل على يميني.....ويوم اقلعت الطايرة اسمع صياح عجوز قدام تهاوش اللي جنبها وتسبه ويوم جيت افارع مالقيت احد جنبها مافيه الا هي على المقعد الظاهر انها مخرفة!!!!!سبحان الله حسيت انها ديمة وهتان او اخر العنقود ...وشوية تجيني وحد توزع عصيرات ويوم طالعت فيني وحطت عيني بعينها كانت ناوية تذبحني مدري على ايش وكل شوية تمر من عندي مرة بعصيرات ومرة بجرايد ومرة بعربية ابو ريالين وكانت تطالع فيني بطريقة غريبة المهم سمعت قلب المملكة يكلمها بصوت واطي يقولها هذا هو ارخميدس وكان عنده معرف (الدبلوماسي) وكل يوم نعطيه انذار لكن مافيه فايدة....التفت لي قلب المملكة وقالي ياويلك هذي هيفين مون طالعت فيها واشرت على ابراهيم خليل قلت هذا هو ارخميدس ماهوب انا ...انا عضو جديد لسه ماتفعلت عضويتي....يوم شفتها قمت اتنافض الى ساعة كتابة هذا الموضوع ...

شوي اسمع واحد وراي يتكلم عن كوكب الزهرة وعلاقته بفيضان جدة والعلاقة الطردية (طلع الاخ عاطل منذ 1970) واللي قدامي واحد معه مطاط قاعد يلعب به

وبعد خمس دقايق اسمع كبتن الطيارة يقول نحن الان على ارتفاع 10000 قدم ويوم خلص قال اخوكم ابو وليد....قلت بس عز الله انهم مسوين كمين لي وفي الجو قالي قلب المملكة تبي تسوق ...قلت له لا شكرا



الفصل الرابع: (الدخول للاجواء المصرية)

ويوم دخلنا الاجوء المصرية بدت الطيارة تنتع قلت لقلب المملكة خلني افزع لابو وليد ويوم دخلت قمرة القيادة صحت في ابو وليد قلت له رد نمرة حطها في الرابع قالي مايمديني قلت له ليش قال الطيارة تماتيك مو عادي قلت له وخر شوي خلني اشوف شغلي ويوم جلست على الكرسي طفيت المكيف ونزلت القزاز شوي ومديت يدي شوي الا طيارة جنبي تدق بوري وانا اهدي ابشوف وش عنده طلعت العجرة من تحت الكرسي ويوم قربت الطيارة مني يقولي الطيار الشنطة مفتوحة المهم جيت اجنب الطيارة ماقدرت الجبال كلها زحمة اختل توازن الطيارة وطاحت في الصحراء ..




في الحلقة القادمة :وجها لوجه مع مدعي الربوبية...