أنا مادري ليش قاعدين تحسسونه انه اذا طلع بتقطع رزقة وان تاريخه المدرسي منصب على هذي المدرسة وان رزقة هنا وبس

شف وانا اختك انا لي خبرة طويله مع المدارس الاهليه الي مانقول غير الله ينتقم من كل ظالم

واصلا واضح ان المدرسة هذي كانو محتاجين مدرس يمشي لهم المنهج لين يجيهم مدرسهم القديم وطبعا مايبون يقولون لك هذا الكلام فقاولوا خلونا نقول ان الشركة تقول لازم تخففون من المدرسين رغم ان الحق معك لو شكيتهم اذا كنت فعلا موقع سنه او ترم بس شف التاريخ زين وتأكد هل هم موقعينك على سنه اوترم او ثلاث شهور بس وفي بعد لعبه جديده عندهم وهم انهم مايوقعونك على عقد لا يوقعونك على ورقة تجربة مدتها شهر او ثلاث شهور او ثلاث اسابيع يعني مدة معينه ويقولون هذي فترة اختبار ويحق لك في هذي الفترة اذا ماعجبك الوضع عندنا انك تطلبين انك تتركين ومايكون عليك شي واحنا بعد لو ماعجبتونا يحق لنا الفصل يعني لعبه علة كيفك
لكن الي حابة اقولك لك هو

اولا / مدام المدرسة اجتمعت فيك وقالت لك الكلام هذا معناته أن في المدرسة احد حابك فيهم ومايبونك تتفاجئ مرة وحدة او تنصدم لانهم هم الغلطانين وحسين بغلطهم وقالو نكلمة بهدوء والا لو يبون يفصلونك كان فصلوك بدون سابق انذار لان المدارس الاهلية ترى توقيع العقد عندهم مثل بدون عقد بعني مجرد اسم على ورق بالنسبة لنا لكن هم حتى قليل يخدمهم خاصة لما يكون المدرس عارف انظمة المدارس الاهلية وخابزهم وعاجنهم

ثانيا / ياخوي مدامهم يبون بفصلونك خلاص كذا كذا بيفصلونك حتى لو شكيتهم لسابع مكتب لان اصلا في عقد يقول يمكن للطرف الاول الاستغناء عن الطرف الثاني اذا وجد منه اي تقصير وراح يطلعون لك ادنى زله عشان تطلع مقصر ويكون هم ملفهم ابيض وبكذا تطلع مثل مايقولون من المولد بلا حمص وتطلع بقهرك

ثالثا / صح ان الامر فيه قهر كبير ومو بالامر السهل واليسير وانا مجربة الوضع هذا بس وربي اطلع بعزتي وكرامتي احسن والله العظيم اذا اتكلت على ربك وايقنت ان الرزق عن الله ان الله بيرزقك من حيث لاتحتسب
اهم شي ماتطلع الا وشهادت الخبرة مختومة تمام التمام والارقام صحيحة عدل مدل ولو اني مكانك لخليه يكتب سبب الأستغناء انه زيادة في عدد العماله وليس اخفاق مني وكمان تقدير ادائي امتياز مثل ماشهدولي واخذ منهم بعد شهادة شكر وتقدير زووود عشان يتربون مرة ثانيه يلعبون على خلق الله وترى ماراح يقولون لا لانهم منحرجين منك بعد ماعدت مدة الاختبار واثبت لهم انك ناجح في العمل وترى هذي نقطة في صفك
وبالعكس صدقني اذا انت مدرس متميز راح يتحسوفون فعلا عليك وممكن يدقون عليك في اي لحظة لان المدارس الاهليه مغسولة وجيههم بمرقة مثل مايقولون

واذا جيت تقدم على اي مدرسة وسألوك عن اسباب الفصل

تقدر تقول لهم والله انا ماقصرت معهم بشهادة المدير لكن الرزق بيد الله

ونصيحيتي لاتشد معهم بالكلام لانهم اذا بيستغنون بيستغنون مهما قلت لهم من كلمة

بعدين الحين الترم الثاني على الابوااااب يعني ان شاءالله فرصة جديدة لك تدور مدرسة احسن منهم ودائما لاتدور في المدارس الاهليه على مين اكثر راتب لا دور على مين احسن معاملة ويقدر المعلم واذا حصلت راتب كويس ومعاملة ادارية كويسة عظ عليها بنواجذ
والله يوفقك ويوفقنا يارب