السلام عليكم ورحمة الله وبركاته
نقلت هذه القصيدهـ اليكم
اهداء الى فئة العاطلين عن العمل وبصوت
نبي وظـــايف
ارجوا ان تنال على رضى الجميع
((البطاله))
ياقلب لا تحزن بـدار السلاطيـن =دار السعود اللـي ذبحنـا غلاهـا
دار الرجال اهل الوفا والمياميـن=اللـي مـع العالـم بعيـد مداهـا
تفرق عن العالـم بكثـر المقيميـن=وسياسـة التوطيـن محـدٍ يباهـا
وتفرق عن العالم بكثـر القوانيـن=اللي علـى الاوراق محـدٍ قراهـا
وفيها من التعليـم مايبهـج العيـن=مـن المعاهـد والمـدارس تباهـا
والجامعات اللي عليهـا البراهيـن=تبنى ولا زال السـرا فـي بناهـا
وفيها التميز في جميـع المياديـن=بالطب والتعليـم واللـي وراهـا
لكن مع هذا التميـز الـى الحيـن=شوف البطالـة واصلـة منتهاهـا
نسبة واقدرهـا بخمسـه وستيـن=وكلٍ شهاداتـه معـه فـي خباهـا
هذا ترى حال الشبـاب المساكيـن=بعـد التخـرج منيتـه مالقـاهـا
بعد الدراسه راح من عمره سنيـن=والحال ماتخفى على اللي شكاهـا
وليا طرق باب الوطايف باليديـن=وجهز ملفـه والوظيفـه نصاهـا
قالوا خلاص ارجع لنا عقب يومين=ولى تجيـك اخبارنـا فـي نباهـا
وسط الصحف والنت تلقى العناوين=هـذي سياستهـم وهـذا غطاهـا
تكفى يابو متعب ترى حالنـا شيـن=شف حالة شعوبـك تزايـد عناهـا
نبي قرارك وانت طلق الحجاجيـن=اقمع هل التخريب والعـن ثواهـا
هذي قضيتنـا تبـي منكـم الليـن=وحنا شبـاب المملكـه ونحماهـا
لا تنظـر لبغـداد ولـى فلسطيـن=شف علـة شعوبـك ودور دواهـا
الشعب من زود العنـا كلـه انيـن=اغتيلـت احلامـه وظلـم سماهـا
والمشكله فيمـا يسمـى الفيتاميـن=حطم طموحات الشبـاب ومناهـا
اليا متى واحنا على الظلـم باقيـن=وليا متى واحنـا نعيـش بهواهـا
هذا ترى حال الشبـاب المساكيـن=كـل يقـول الواسطـه مانبـاهـا
وسلامتكم
ابي ردود الله لايهينكم
مهب تقرا وتروح
اخووووكم
ابن نقاء السلمي