و اصكه بركبه على بطنه واسدحه على الارض وارمي عليه المكيف ويجي السجان ينبطح جنبي ويعد ...1....2....3......وشوي يدق الجرس معلنا فوز ارخميدس بالضربة القاضية (متأثر بالمصارعةخخخخخ).....وامسك السجان واقوله اسمع ...ترى انا احب المصارية واموت فيهم لدرجة اني صرت اكل اكلهم....قالي عاوز ايه......قلت له حتى اخوية الكبير اسمه ناصر الفراعنة تسمع فيه انت....قالي ايوه ايوه دا رجل اعمال كبير ومشهور.....قلت له ابيك منك خدمة وصدقني ابعطيك فيزا وادخلك السعودية.....بس طلعني من هنا انا واللوح ذا....قالي حاضر....قلت له بس انا واللوح بنطلع والبقية خليهم هنا قلب المملكة وابراهيم خليل وهورس وهيبة فنان وهم وسراق القلوب هذا بالذات لو تقدر توديه افغانستان يكون احسن.....قالي خلاص حاضر.....انا عندي خريطة مصر كلها .... وبكرة ابجيبها....بعد ماطلع السكيورتي قلت لعاطل بافاهم والله ياحقه من اخذه هو وهامان وفرعون وطلعهم قطار الموت اللي عندنا في جدة.....قسم بالله لا يعرف ان الله حق.....


الفصل التاسع: (ليلة هروب)

اليوم الثاني جاب لي السجان خريطة مصر ......المهم جلست احفر انا وعاطل فاهم (الكهربائي) الين قربنا من النهاية....ويوم طلعنا على سطح الارض ...كانت المفاجأة......طلعنا في الحوش حق فرعون وكان كله غنم وخرفان....وكان هو واقف مع الحلال ....قلت لعاطل فاهم ....اصصصصصصصص بشوييييش خلنا نرجع من مكان ماجينا.....شوي عطست لكن قدرت اكتمها قلت الحمدلله....قال عاطل فاهم يرحمك الله بصوت عالي .....وانتبه لنا فرعون ويوم شافنا يجي هامان ويسحبنا مرة ثانية ويربطنا بحبل واحد ويردنا للزنزانة.......ويوم دخلنا للزنزانة لقيت خوينا المشرف العام قلب المملكة ....مسكوه بتهمة التدخين في الاماكن العامة (الولد يتتن) .....المهم حشرته في زاوية وقلت لابراهيم خليل ترى الورع هذا ماعنده شغله الا يحذف المواضيع ويعدل وينقلها من قسم لقسم وتراه هو اللي قاعد لك عشان ماتصير مشرف طالع فيني قلب المملكة وهو يرجف قلت له انا مالي صلاح انت نكبتنا مع هالصعيدي وانت اللي بتفكنا وانت ماتشوف الدرب والا قسم بالله لا تشوف شي ماعمرك شفته.....


المهم اني حارشت بين قلب المملكة وابراهيم خليل الين تهاوشوا وقام قلب المملكة عض ابراهيم في كتفه الين صاح ....جا هامان يبي يشوف وش السالفة قلت له شوف ياحاج هامان قلب المملكة قاعد يرسل مقاطع بلوتوث ماهيب زينة ابد بالحيل وابو خليل انسان مطوع ومحترم قال هامان وش يعني مطوع قلت له يعني دايم في المسجد وفي الصف الاول قالي وش الصف الاول هذا قلت يعني خلف الامام مباشرة زي الحكم الرابع قالي وش يعني الحكم الرابع قلت له يعني هو اللي يحسب الوقت بدل الضايع ويلبس قميص احمر قالي كيف يعني احمر قلت له حمارن يرفسك انت واللي حطنا فيذا.....ترى قلب المملكة ماهوب زين وبيأثر على مجتمع الفراعنة وممكن يكون السبب في فنائهم زي ماكان السبب في انقراض الديناصورات...

المهم اني زنيت على الثور هامان الين اقنعته انه يبدل بين قلب المملكة واي مسجون اخر.....وفي الاخير جاب لنا واحد اصلع ساكت ولاتسمع له همسه قلت له وش اسمك يابطل قالي انا زيدان ....يوم قالي زيدان حسيت كأني شربت ديزل منتهي تاريخه ومغشوش ومخلوط مع بنزين 91 مسروق من المحطة اللي في الشارع الثاني!!!!

قلت له انت زيدان ماغيرك اللي في منتدى البطالة قالي ايه انا .....قلت وفرحان بصلعتك هذي اللي كنها بكلة....والا تدري خلك معنا اقل شي نستفيد من هالصلعة اللي كنها مراية اقل شي نزين فيها الشخصية ونعرف نلبس الشماغ...



الحلقة القادمة :الفصل الاخير