اقتباس:
المشاركة الأصلية كتبت بواسطة ألا ياحلمي اتحقق
أعجبتني المقولة وبصراحة هالمدرس وجوده نادر بهالوقت ...هذا كنز معرفي الله يقويه وباين إنه يأسسكم على لبنات من حديد في مجالكم ...أفخر بوجود مثله في بلدنا
وبالنسبه لك إنت من جد قو أهيد مره ثانيه...
معلومات قيمه اللي تطرحها ...إن شاء الله يكون فيه شباب يتحمسون لهذا المجال لأنه بالفعل نادر
بالتوفيق للجميع
|
المُدرس سوري وهو عضو بمايكروسوفت وما شاء الله عليه يعطينا حماس بالدرس ويدرس بإخلاص وضمير + يعاملنا بإحتراف ولا يزودنا ولا درجة لكن معاملته شيء ثاني
واللي حببني فيه أنه نادر وقليل جداً نشوفه على مستوى العالم .. وأصحاب هالمجال لهم إحترام خاص من الجميع .. يعني لا تزعله يخرب جهازك 
آنا حطيت لي طريق وراح أمشي عليه
وأبشرك أمس مدري قبل أمس مريت مركز التميز اللي بـ جامعة الملك سعود وأخذت وعطيت معهم بصراحة ناس قمة في الإحترام والذوق
وسولفت مع واحد فاهم وحبيت أنه يوجهني على الطريق الصح وقالي خلص دبلوم الآن وإذا قدرت تدرس مع الدبلوم أنجليزي أدرس وبعدها دور وظيفة تستقر فيها كم شهر وبعدها قدم على جامعة الملك سعود وشوف يمكن يقبلونك لمرحلة البكالوريوس .. وإذا ما قبلوك لا تستسلم حاول أكثر من مرة حتى لو تكتب معروض لمدير الجامعة نفسه بس يكون المعروض منك أنت توريه ناس عندهم خبره قبل ما ترسله للمدير عشان يعطونك النصائح ويكون المعروض مؤثر وإذا ما قبلوك قدم على أي جامعة بالسعودية نضم المعلومات او مثل كذا وخلص بكالوريا وبنفس الوقت وآنت تدرس حاول تاخذ شهادات دولية بمجالك خلصت البكالوريا آن شاء الله هذاك الوقت راح يكون فيه ماجستير في جامعة الملك سعود تخصص أمن المعلومات هذا كلام واحد من مركز التميز اللي بجامعة الملك سعود يقول خلال الثلاث سنوات إلى الـ 5 سنوات راح يكون موجود
وهذاك الوقت آن شاء الله تدخل ماجستير وتاخذه وتقدر تكمل دكتوراه برى في محقق جرائم الإلكترونية على حساب الدولة
لان هالتخصص بعد 10 سنوات راح يكون مطلوب بشكل لا يُصدق وبرواتب عاليه جداً جداً
لان البنوك الأن تقدر تسوي أي شيء بحسابك عن طريق الإنترنت كذلك الإتصالات .. وحتى الدوائر الحكومية راح يكون تخليص المعاملات عن طريق الإنترنت
وأكيد راح يكون هناك مُجرمين حاسوب ولازم محققين في هالشيء
وبنفس الوقت أصير آخذ شهادات دولية في مجالاتي يعني أخلص دكتوراه وآنا معي أكثر من شهادة دولية قوية
::
بصراحة هالمجال أستمتع وأنا أتعلمه وأقراء فيه لانه مجال يخوف من أسمه
بس على فكرة معنى الكلمة اللي باللون الأحمر اللي بالأقتباس