بما انك بتشيل المقاعد ..

مطعم متنقل للوجبات السريعه والمشروبات الساخنة والباردة وبعض المواد الغذائية والمنتجات الاستهلاكية الاساسية ..

وتقدر تتعاقد مع المنتزهات او بعض النشاطات المدرسيةاو بعض المؤتمرات اللي تقام بكذا منطقة بالرياض وغيرها من المدن

او اذا ما تبي تتعاقد وقف عند المنتزهات او بالاسواق او بالاماكن المكتضه بالسكان .. او بالفياض مثل روضة خريم والتنهات ولا العوشزية بعنيزة ولا بأي مكان بالمملكة بتلقى اماكن فيها تجمعات واهل مكه ادرى بشعابها

واذا قلنا وش بتسوي ..

نقول
1- بطاطس كرسبي
2- بليلة
3-برجر
4- سندوتشات متنوعه ( بيض - مربى - شكشوكة - كبده .. الخ)
5- مشروبات ساخنة ( شاي - قهوة عربي - كابتشينو - موكا .. الخ)
6- مشروبات بارده ( بيبسي واخوانه - عصيرات طازجه - عصيرات جاهزة )
7- آيسكريم

طبعاً كل الاصناف هذي تقدر تدخلها بما ان الباص فيه مساحه كبيرة بتكفي هذي الاصناف وعدتها وادواتها ..

انا شفت مره بالرياض حول الدائري الشرقي .. راعي فان الجمس الكبير ( اكبر من سيارة الاسعاف ) وكان مسوي نفس الحركة بس يقدم مشروبات ساخنة وباردة وبعض الحلويات مثل التراميسو والسوفليه .. وواقف عند ( برحه ) حول شارع تجاري مكتض بالسكان ..

هذا ما لدي والافكار نزلت على بنات افكاري وانا اكتب الرد

وبالتوفيق لك