إضافه بسيطه لموضوعـك
أستاذي الكرييم بعد إذنـــك......
عشـــــــ10ــــرة.............أولاد
خايــــبــيــن
1- ولد ينقال له " ولد أمه " وهذا ياعيوني تشوفين أمه أكثر ماتشوفينه لأنه ببساطه مندس وراها وهي تحامي عنه في كل شي حتى إذا قالت لك " شلون تدخلين الحمام قبل ولدي " أو ليه تمرضين وتدوخين وتخلين ولدي يقوم من نومه عشان يوصلك المستشفى ماعندك احساس ؟؟ "لاتستغربين هذا جزء من الدفاع .
2- ولد عربجي طحن وهذا خذي منه حكاوي وقصص وسواليف أبطالها بو صقر و الطاحس و007 و مطوه و بو رايش
وفي الحقيقه ذولي العيال اللي تربى معهم في حارته القديمه وكانوا يضربونه عشان يعطيهم مصروف المدرسه ويخلعون له نظارته ومايرجعونها لين ما يحل واجباتهم يقول لك : ياهوووووووووو ياحرمه لا أشوفك تطلين من الشبابيك ولا أسمع صوتك ذا يطلع ... ويروح يلعب دور الرجاله اللي تنحصر في كم لعبة بالوت وبيالات شاي مرميه في الديوانيه وزقاير يشربها بالعلب قدام خوياه
3-ولد سيارته كلها دبب وقلوب و أشرطة سلين ديون وأشعار ... وهذا اعرفي على طووول إنه غزلنجي نمره واستماره لكن مافي وحده تنازلت وعطته وجه غير وحده جته من بعيد وقالت هلا يابعد حيي ويوم افتشت اطلعت جدته .... وطبعا في روايته اللي بيقولها لك حتكون شاكيرا ولا اليسا " ياكازانوفا "
4- ولد مسوي ثقيل وهو مسسسسسسسسسكين يكسر الخاطر لا شاف بنت ضحكت لها يحمر وجهه ويعرق ويصيح قلبه : ماني مصدق ماني مصدق ولا قربت منها قال لها : لو سمحتي تعرفيني عشان تضحكين لي ؟؟ وتقول هي بكل هدوء : أنا آسفه بس مشبهه عليك وتروح البنت وكلها خجل وهو يكفخ نفسه في البيت من قهره لأنه خايــــــــب " يافرحة أمك فيك"
5- ولد حاله حال نفسه لكن لاتسألين وش تحب وش تكره وش هواياتك لأنه بيقول : الدنيــا فانية والناس مساكين يضحكون على نفسهم ... أكيد يكبر بنظرك بتقولين مسؤؤول وصريح لكن هالولد بالذات تلقينه في البيت يسمع بابا فين وحط النقط على الحروف من ورا أهله
6- ولد عايش حياته بالطووووووووول والعرض وفرحان أصحابه ماينعدون وروش ولبّيس ويسمع أغاني الراب ويرقص فانكي يعني عصري بمعنى الكلمه لكن قوليله الله يلعن أمريكا حيرد : واي ؟؟ أميركا القوى العظمى والعرب ذول يحبون الدراما ... تعصبين تقولين : عاجبك اللي يصير في العراق ... يرد عليك : وانتي عاجبك اللي يصير ف مايكل جاكسون مرمطوه من محكمه لمحكمه !!!!
7- الولد الحبيّب الرايق اللي جواله كله ارقام بنات جوجو وميسي وفيفي ولوسي ............. وعدي واغلطي
وكل البنات ذولي مرت عليهم نفس الرسايل بس الاسم عليه لكود ويتغير وأكيد نفس الهدايا تتناقل من وحده لثانيه وأخيرا توصل لك ومعها بطاقه : انتي حبي الأول والأخير " على مين تلعبها ياروميو"
8- أما الولد المفضل عندي هو اللي مايهتم بشكله اللي الضب أحلى منه وريحته كبسة ولحم وشغله الشاغل الفضائيات ولا تزوجتيه في السنه الثانيه من زواجكم تقولين له حبيبي اترك عنك الفضائيات وهالخرابيط ويقول لك : وش بلاك انتي ؟؟ الا الخرابيط إني أخذتك أنا المفروض اني ماخذ لي لبنانيه تنزل القمر من مكانه " تكفى يا ليوناردو"
9- ولد بيتشقق ويطق له عرق مسوي تشخيصة شماغ " الكوبرا " والقلم الذهبي في الجيب والعطر يوصل لآخر السوق وراز عمره ولا قربتي منه تسمعينه يقول صفر خمسه خمسه خمسه خمسه سته.......... بصوت واطي ويرمي الكرت بشويش فشنطتك مو خايف لا أحد ينتبه بس خايف يخرب الكشخه .
10- ولد يقول لك اني وش مقعدني هنا أنا بهاجر بروح أفغانستان وبموت مجاهد ويعطيك خطه طويله عريضه ويتكلم عن كل الرؤساء وإنه سياسي محنك وهذا ياطويلة العمر ماله شهاده ولا وظيفه ويخاف ينام والباب مفتوح " اخس يا رامبو "
تسلم يدك نوفا