كيف حالكم عساكم طيبين ؟ اليوم ولأول مرة لي أدخل المطبخ عشان أطبخ يا عالم خايفة من العنوسة <~ على قول " ديمه وهتان " أخواتي الصغار يعرفو يطبخوا إلا أنا <~ ترى المشكلة مو هنا المشكلة إن ديمه وهتان تعايرني بإني ما أعرف أطبخ اليوم قررت قراراً قريراً بإني سوف أطبخ وللمرة الأولى <~ والأخيرة عاد ما أخفي عليكم إن أختي اللي في الصف الرابع سوت القهوة بدالي ندخل بالجد شوية طال عمركم أذن العصر <~ وصلينا ولله الحمد وكان راسي مصدع قلت خليني أمخمخ على قهوة <~ بس يابنت ما يصلح مع القهوة الا الحلى ! وأقوم أروح المطبخ وأفكرة تارةً وأبحث تارةً ولقيت قدامي كورن فليكس عاد تخبرون أنا ماليا إلا 18 سنة على الدنيا <~ يعني لساعي طفلة ومتعلقة بالكورن فليكس وأقرر أني أسوي تشيز كورن <~ تشيز كيك بالكورن فليكس ونشوف الصور هدي المقادير كورن فليكس <~ وهو المهم حليب نيدو <~ وعادي لو سميلاك أو ميلوبا مربى حسب الطلب <~ الرغبة قشطة يا قشطة أنتي على هوا فانيليا <~ لزوم الريحة الطيبة والطعم كمان دريم ويب <~ ولا نت كلو واحد زبدة <~ فيها شيء ؟ سكر يا سكر نجي دحين للآلات المستخدمة <~ في الحرب هدا عبارة عن صحن دائري مخصص للتشيز كورن وهدا زبدية قزاز <~ عارفين وهدي آله مخصصة للعصير بس مع moon Light مافي شيء خاص لشيء الكل سواسيه مثل أسنان المشط <~ وين شطحتي ؟ <~ ترآ ذي الآلة لـ " ديمه وهتان " لو شافتني سوت بي كدا طبعاً نحط الكورن فليكس فيها ونطحنو عشان يسير مطحون <~ أجل ايش يسير ؟ طبعاً قلبت الآله عشان أشوف في أي فيش 110 ولا 220 <~ هدا الشيء كورن فليكس مطحون ودي آله تانية أيضاً تخص " ديمه وهتان " بس أنا عندي إسراف بدال ما استخدم آله وحدة استخدم آلتين طبعاً هدي الآله حطيت فيها " دريم ويب وقشطة وحليب سائل وسكر " زي ما قلتلكم خليط " دريم ويب وقشطة وحليب سائل وسكر " أيضاً تم تنكيس الآله عشان أعرف هيا 110 ولا 220 بعد كدا راح يتكون عندنا خليط كثيف <~ زي كريمة الخفق نحطها بالفريز لمدة 5 - 7 دقايق