فل الحجاج وخل عنك الهواجيس كل يموت وحاجته ماقضاها
تصدقون اكثر الكلمات اللي نقولها ماهي عربيه تعالوا شوفوا
باغه : تركيه ومعناها بلاستيك
بفته : هنديه ومعناها القماش الابيض
بس : فارسيه تستعمل للإسكات يعني اقطع واخس
بهار : هنديه تعني بلاد الهند ابازير
تجوري : هنديه ومعناها الخزنه
تريك : لاتينيه ومعناها مصباح
توله : هنديه ومعناها عيار للوزن
خاشوقه : تركيه معناها ملعقه
خيشه : فارسيه ومعناها كيس من القماش
خبل : فارسيه ومعناها مجنون
دربيل : تركيه وهي تقريب البعيد
دروازه : هنديه ومعناها البوابه
دريشه : فارسيه ومعناها نافذه
دسته : فارسيه ومعناها حزمه
ديرم : هنديه وهي صبغة الرمان
وفيه ناس يقولو ديرمان الظاهر هذولي كانوا يروحون للهند اول وجايبينها صح خخخخخ
ريغه : فارسيه وتعني خليط الماء والطين مع اني اعرف ان الريغه التراب الخفيف اللي يتطاير بسرعه
زلطه : ايطاليه تعني جمع الخضروات في اناء
زوليه : فارسيه وتعني بساط
سرسري : تركيه وتعني العاطل
سروال : فارسيه وهي مركبه سر تعني فوق وال تعني القامه
بكره بروح اشتري لي 2 فوق القامه جدد خخخخخخ
شيره : فارسيه تعني رحيق السكر
شرشف : كرديه تعني غطاء النوم
طشت : فارسيه تعني اناء الغسيل
طربال : فارسيه وتعني شراع
طرمبه : ايطاليه تعني مضخه
قرطاس : يونانيه تعني ورق>>>
الشوق يحرقني ولا انتوا بدارين,,هاتولي القرطاس ابكتب وصاتي
قوطي : تركيه تعني علبة من الصفيح
كليجه : فارسيه تعني القرص الصغير
وفي روايه تعني سلحفاه خخخخ
اجل طلعتوا نصابين يالقصمان تقولون الكليجا لكم وهي ايرانيه خخخخ
موتر : انجليزيه وتعني السياره
مالغ : فارسيه تعني ليس له طعم
واير : انجليزيه وتعني سلك
عقب هالصدمه بهالكلمآت بديت احس اننا تجميع تايوان 
__._,_.___