السلام عليكم ورحمة الله وبركاته
صباح / مساء الورد
الحمد الله خلصت من المقابله الشخصية في معهد الجوازات الساعه 9 وتوني راجع الفندق
وان شاء الله خلال ساعه راجع الشرقية الدمام
بقولكم كل شي بتفصيل :
طلعت من الفندق الساعه 5 ونص بعد ماصليت الفجر ودخلت مع البوابه 5 ونص تقريبا
دخلنا من البوابه الى مقر او مسرح الحتفالات وعند الباب يتأكدون من اسمك ورقم بطاقة الاحوال
وبعدين تدخل المقر ويعطونك 3 ورقات وتجلس وتنتظر متى يقلون سجل معلوماتك فيها
وملاحظه : خذ معاك قلم ازرق وملف اخضر علاق كلها ريالاين احسن ما تنحرج معاهم
المهم بعدين تنتظر حدود نص ساعه ويوزعون اوراق الاختبار التحريري
طبعا الاسألة ثقافه اسلامية + معلومات عامة + E
مدة الاختبار 30 دقيقة فقط او اقل يعني لاحق على عمرك وحل بسرعه لا تفكر كثير
وبعد ما تخلص سلم الورقه " ملاحظه " اللي يسلم ورقته قبل بكون اول مجموعه ويخلص مثلي على الساعه 9 او قبل واللي بيتأخر بتسلم بيجلس لظهر او للعصر
ونصيحة يا اخواني الحضور بدري بدري بدري لا احد يتأخر ولا دقيقه وخلك على الباب من 5 ونص بعد الصلاه مباشرة
اما الاسألة فيه اكثر من 7 نماذج وطلع معاي نموذج 7
بذكر لكم بعض الاسألة :
س / كم سورة بالقران تحمل اسم الرسول عليه السلام ؟
س / كم عدد انواع التوحيد ؟
س / ما اسم النبي الذي انزل عليه التورات ؟
اما الاسألة العامة :
س / ماهو اكبر محيط بالعالم ؟
س/ كم قيمة استخراج جواز السفر و التجديد ؟
اما الانجليزي لا احد يسأل ههههههههه جايب العيد
راسي مصدع مو قادر اتذكر باقي الاسألة بس عطوني فرصة لحد ما ارجع الدمام على خير ان شاء الله
و بعد الاختبار وتسليم تنتظر ينادونك لطول والوزن ويقلون لك فصخ الشماغ وخله على كرسيك وتعال
وبعدها تنتظر ينادونك مره ثانيه علشان تطبيق الشهادات والدورات
وبعدها تمشي على الضباط ورتبهم عالية جدا ههههههه يعني عميد او عقيد ولواء
وخلاص تخلص وتمشي
اما طريقة المقابلة وتوزيع الدرجات هي :
الاختبار : 30 درجة
نسبة الثانوية : اذا فوق 75 % تحصل على 2 درجتان
اذا فوق 85 % تحصل على 4 درجات
اذا فوق 95 % تحصل على 8 درجات
القدرة على التحدث : 9 درجات ،، يسألك عن اسمك وقوله بصوت عالي جدا
الهيئة والمظهر : 45 درجة وهذا اعلى شي بيد العميد والعقيد ولواء
وتنجمع كل درجاتك عن اخر شخص وتمشي ويقلون لك الاعلان عن النتايج يوم الخميس 25 هذا الشهر في الموقع و او مجموعه تنقبل تسوي الفحص يوم 27 السبت
بعد اللواء في شخصين بس ماعرفت هم وش مهامه بس اشكالهم من المباحث او الاستخبارات تقريبا لابسين ثوب وشماغ
وهذا كل اللي صار اليوم
ونصيحة لا احد يتأخر عن الساعه 6 احضر بدري بدري بدري
ولا تنسى القلم الازرق والملف الاخضر اهم شي وبطاقتك الاحوال وكل اوراقك الاصلية وصور شخصية
واي سؤال انا حاضر بس انتظروني بعد ما ارجع الدمام بسلامة 
ادعولي انقبل نهائي
اخوكم وليد