المشاركة الأصلية كتبت بواسطة موظفة بحلمي

المفروض إنه يتحاور معها بهدوء وبأسلوب بعيد عن الانفعال وإظهار حب السيطرة وفرض الرأي ...

الحرمة معها حق تتضايق ... ثلاث شهور يغيب عنها غياب تام .. عنها وعن أبنائها .. ويرجعلها شهر ونصف فقط .. يعني نص المدة اللي قضاها في العمل ... يعني لو حسبتوها بالسنة يغيب عنها 8 شهور ويجلس معها 4 شهور فقط !!!!!

كلكم صبيتوا غضبكم وأسواطكم على الحرمة وإنها ماتفكر بعقل ...

يعيش معها 4 شهور بالسنة بس ؟

هل الحياة فلوس وبس ؟ عياله ماهم بحاجة لحنانه ووجوده معهم ومتابعته لهم ... ثلاث شهور يغيب .. هذه فصل دراسي كامل يبدا وينتهي وهو ماهو حولهم !!

الإنسان له طاقة .. وله احتياجات نعم .. بس احتياجاته مو بس فلوس .. لا ...

أنا ماأقول يترك وظيفته ويروح يدور غيرها ... لا .. يستمر في عمله ويقدم في نفس الوقت على جهات أخرى .. لعل وعسى تطلع له وظيفة مناسبة براتب معقول ... إذا طلعت له وظيفة أخرى براتب حليو حتى لو أقل من راتبه الحالي .. يحول لها ... ويعيش مع أسرته حياة أسرية طبيعية أفضل ...

هذا رأيي ... والله يكون في عون زوجته وفي عونه بعد .