أسئلة كتيرة ما شاء الله

راح أجاوب على اللي أعرفه

للمعلومية (تيب) تنقال طيب !!!!!!!

* أتوقع مثل المعتاد نسبة التقديم لازم جيد جداً على الأقل مثل كل مرة في التقديم.

* شرط التوفل : لمن تيجي تقدمين على الموقع دحين حطي أي بنسبة

على الأقل حطي نسبة الحد الأدني من التوفل

يعني لو مثلاً طالبين توفل 400 كحد أدني

حطي في خانة التوفل رقم 400

ولازم بعد كده تختبرين التوفل

وللمعلومية بعد فتح تقديم الدراسات العليا

راح تفتح عمادة الدراسات العليا التقديم لاختبار التوفل

خاص للي مقدمين على برامج الدراسات العليا

تقدرين تقدمين عليه

وأنا لمن راح ألقى إعلان اختبار التوفل بالموقع

راح انشره هنا

سعر الاختبار 200 ريال

وراح أجيب لك وقتها التفاصيل

وتقدرين تاخدين القبول المبدئي بدون ما يكون معاكِ توفل

لكن لازم تختبريه قبل القبول النهائي

لأنه شرط متشدد عليه

وبالنسبة لفكرة تدرسين انجليزي عندهم عشين تعوضين التوفل

فكرة مو صحيحة

الشرط واضح

ما يخصهم تدرسين أو ما تدرسين انجليزي

هم يبوا ورقة توفل توضح مستواكِ فقط

* راجعي قسم شؤون الطالبات بكليتك اللي متخرجة منها

واطلبي اجراء التعديل

وما راح ياخد يومين إلا والتعديل حاصل

وهادا شي إجباري

الجامعة صار كل شي فيها انجليزي

واسمك بالانجليزي يسجل بكل أوراقك الرسمية بالجامعة

وهادا شي ماله علاقة بالابتعاث

ولأنك لو ما صلحتي دحين

راح تعانين الكثير بعد كده في تقديماتك

وآجلاً راح ترجعين تعدلين الخطأ

فدحين أهون بكتير

مجرد نصيحة على المدى الطويل

* بعد الترشيح المبدئي

راح يختبروكم أكيد

والاختبار باللغة الانجليزي للأقسام العلمية كلها

وبعدها راح يرشحون منكم عدد قليل

سيرتك الذاتية وتقديرك راح يدعموكِ

لكن لازم درجة كويسة بالاختبار

* الأخ اللي أضاف سؤال عن تخصص الفلك

عزيزي الإعلان عن تقديم برامج دراسات عليا

لمن يرغب بذلك

وما يخصهم إيش راح يكون مستقبل الخريجين والخريجات

والتوظيف ربي أعلم به

* البرامج الخاصة فعلاً هي المدفوعة التكاليف مثل ما تكرمت الأخت ....... بالإجابة

* الفرق بين الماستر والدبلوم العالي

الدبلوم العالي أقل درجة من الماجستير

وبالتأكيد الماجستير أعلى علمياً ويمنحك لقب غير عن الدبلوم

وهادا هو خلفيتي عنه

والله اعلم

ربي يوفق الجميع