جيت باكتب بيت عن الدنيا
ولكن هذا اللي طلع مع بالاخر

خل السوالف انا مشتاق لعيونك
عجل وشفلك طريقة نلتقي فيها
اترك هلا بك وكيف الحال وشلونك
لا تنشدني عن الحال وانت ومشقيها
لا تخلي الشوق يذبح حال مجنونك
لجتك فرصة طلبتك لا لا تعديها
اذا انت عايش انا ما عايش بدونك
العيشة اللي على هالحال ما بيها
من زود حبك احب اللي يحبونك
وانت مدري ليه نفسي ماتراعيها
لو هي على الناس كل الناس يفدونك
وانا حياتي فدا لعيون غاليها
اسالك بالله ترفق بي على هونك
ما فيه داعي معك روحي تعنيها
لو فتشوا عنك وسط الحنايا يلقونك
كنك مع الروح ياعمري مخاويها
لوطالعوني على غفلة يشوفونك
اغلب اوقاتك بوسط العين تقضيها
دامك معي ياحبيبي لا يهمونك
لا يا بعد اول الدنيا وتاليها
عيني وقلبي من اللهفة ينادونك
عجل وشفلك طريقة نلتقل فيها