اقتباس:
المشاركة الأصلية كتبت بواسطة راااااايق
السلام عليكم ورحمة الله وبركاته ,,
اخواني انا عندي مبلغ حوالي 50 الف ريال ,, وفكرت بمشروع مطعم بيتزا وفطاير وبروستد فقط
طبعاً راح ادور على عماله صح وشغلهم نظيف ان شاء الله
ابي رايكم بهالمشروع وهل هو مربح ؟؟؟ وكم تتوقعون تكاليفه ؟؟ وايراداته شهرياً ؟؟
اتمنى من الجميع المشاركه بالموضوع " وخصوصاً المجربين "
والله يرزقكم ان شاء الله من واسع فضله
|
وعليكم السلام
من جد أنا أبنسط لما أشوف واحد يبي يسوي مشروع مطعم
بالنسبة للمطعم مكلف إذا تبيه فطائر وشاورما يعني عندك الفرن بحجم معقول يسويه لك ب 5000 ريال شغل يد غير المواد لإنك تحتاج ملح حوالي طن و غيره من المواد يطلع لك بتكلفه ما بين 10 الآلف 18 ألف وأنا أعرف شخص سوا فرن بجدة ب 9000 ريال فقط .
وماكينه البروستد جدآ غالية وهي 3 أنواع أمريكي وهو الأفضل السعر فيه 21 ألف و 35 ألف و 48 ألف على حسب الحجم ,, وفيه باكستاني بسعر 13 ألف ريال الماكينه وحجمها متوسط , وفيه كندي لكن ما عندي معلومات .
لكن 50 ألف أقترح تسوي كافتيريا شورما و ساندويشات ,, ما يكلف شيء فرن الشاورما 3500 ريال فقط , بس تجيب معلم شاورما مميز بتدخل ذهب
أتمنى لك التوفيق وأي خدمة أنا تحت أمرك