حمدالله والشكر الى الان مافيه شي هذا دليل على ان وظايفهم خرطي وكل قاعد على كرسيه ومتوظف بالواسطة

اصلا يوم كنت اختبر يوم الخميس الي فات كانوا الي يراقبون علينا 5 واثنتين منهم شكلهم كبار اظن لهم مكان كبير

عاد وحده قالت يالله باقي على الوقت خمس دقيقه ( بلهجة الحجز ) عاد البنات تحمسوا واحتجوا بان الوقت مايكفي

ولا دخلوا الا متاخرين ولا عطوهم الورق الا متاخر وسكتت والتفتت على الي وراها وضحكت مدري ليش حسيتها

تقول مساكين مايدرون ان الدعوة خرطي عاد يابنات لاتقولون لي حطمتينا وماحطمتينا انا قاعده اقولكم شي شفته

والواحد يكون واثق من نفسه وفي هالزمن كل شي بالواسطة حتى اعرف قريب لي في شركة كبيرة يقول الوظايف

عندنا كلها بالواسطة اي احد يعرف قريب له يجي ويحطه في وظيفة بغض النظر يستاهل ولا مايستاهل معه خبرة

ولا مامعه الشكوى على الله ( حسبي الله ونعم الوكيل ) & ( لااله الا انت سبحانك اني كنت من الظالمين )