السلام عليكم ورحمة الله وبركااته ...
أستاذي عمــــر..
قبل فتره طويله ارسلت لك والله يجزاك الجنه ارسلت لي ارقام فرع تبوك .وانقطعت بسبب النت ماكان عندي إتصال..
والحين رجعت بطموح وامل بالله كبير ثم فيك عسى الله يكتب لي باب رزق على يديك..
انا من فتره طويله ولي سنه تقريبآآ افكر اعمل مشروع خلال هالفتره كانت دراسة المشروع من كل الجوانب اقد حاجة الحي هالمشروع..
واطلعت على النت وقريت عن المشاريع ,,ونصائح للبدء في المشاريع ..وبإذن الله اني بنجح لاني متفرغه وبنفس الوقت ماديتي للاسف !! وودي اساعد ابوي واهلي..
انا في محافظه صغيره والحي الي انا فيه للاسف ماافيه اي محل لبيع الملابس النسائيه او الإكسسوارت وكل شيء خاص للاطفال اقرب سوق للحي يبعد تقريبآآ 3 كلم نساء الحي يروحون مشيء للسوق بالإضافه لان سوقناا للاسف شيء من ناحيه ((المعروضات والاسعار ))سيئه كثييييييير من البنات خاصة اغلبهم بنات متوسط وثانوي وكليات يسافر ويقضوون من جده سواء للمناسبات او الاعياد من كثر اغلب المحلات ذوقها ماش ..
المهم انا فكرت افتح محل في حيناا قائم على البضائع راح تكون عن طريق النت وذوق عاالي ومميز واسعار مقبوله وفي متناول الجميع ..خاصة واني الحمد لله افهم كثييييير بذوق البنات واعرف كل شيء نازل وجديد ..
المحل راح اكون مشرفه على إختيار البضائع ونوعهاا..
وراح اكون مسوقه له في ثلاث منتديات لمدينتنا الاف من الاعضاء خاصة البنات..
بالإضافه لي علاقاتي وصديقاتي واخواتي بمراحل دراسيه مختلفه..
ابي قرض بقيمة 50 الف للمحل من صندوق عبد اللطيف..باب رزق.
لكن عندي مشكله وحده وهي الي اجلت مشروعي سنه كاامله..وهي دراسة الجدوى ونموذج الدراسه الي من صندوق باب رزق ..موعندي..
سعر الخامات بعد هذي مشكلتي انا بنت كيف اعرف مثلآآ سعر الديكور والارفف والإضاءة وغيره من التجهيزات للمحل..
اما البضايع موضوعهاا سهل خاصة بعد ما لقيت مساعده في الحصول على بضايع من دبي وماا ابي افوت هالفرصه بإذن الله..
الله يسعدك جد محتااااااااااااجه مساعدتك حيل حيل ..
وابي اتواصل معك حتى ينجح مشروعي بإذن الله تعالى..
آآآآآآآآسفه على الإطاله..انتظر ردك استاذي عمر حسب ما يسمح وقتك وتفرغك ..
وماا اقول غير ما املك لك غير الدعاء الصادق ان الله يوفقك ويسعدك دنياا وآآخره ويحفظك ويحقق كل ما تتمناه يارب..
اختك تذكار الأحبــــه..