بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين


أول شي يشرفني ان اكون عضو عاطل ههههههه بينكم واتمنى ان شاء الله اني

افيدكم واستفيد

ويارب ان شاء الله مايبقى احد عاطل قبل ما يشيب


انا عاطل لي خمس سنوات وعساها ماتطول عمري 23 سنه

شهاداتي

معي دبلوم ثانوي تجاري
معي شهادة تدريب معتمده من المكتب التدريب التعاوني
معي شهادة حاسب الي الرخصه الدوليه icdl

طبعا كل هاذي مبروزه وحاطه ابالغرفه عندي


اشياء صارتلي وانا اقدم
قبل ما اقول سواليفي

ما اشغلونا الا جب واسطه جب واسطه الله يستر مايقولون بعد اذا جيت بتتزوج
ينزلون قرار مافيه زواج الا بواسطه

سالفتي ....


قال احد الزملاء رح للبريد الممتاز فيه وظايف تشققت رحت احلق وضبطت اموري
وتطيبت قالك بيروح يخطب

نمت طبعاا بشق الانفس بعد الفجر تفكير وقلق جت الساعه 9 واشغل سيارتي واروح دخلت وشهاداتي معي وعلى طول على المدير ملاحظه .... قبل ما احصل على شهادة الحاسب ركزو

المهم ندردش كم لك ومنذا الكلام قالي بالحرف الواحد جب شهادة الحاسب وان شاء الله الامور بتكون طيبه ويقول الحين الوظايف اقل شي انجليزي اي هين ان صار نص الموظفين معهم معهم حاسب ولا انجليزي

طلعت عادي مغبون شوي لاكن انا على كلامه دخلت 3 شهور وبعدهااا رحت للشخص نفسه وبعد شخص ثاني قلت انا الي جتيك وكذااا قال اي عرفتك قال تعرف احد هنا قلت لا ليه

الحين طبقناا نظام الوسطات انت شفلك احد وماعليييك انا جن جنوني

خذت اغراضي وخانفتني العبره واحط هالحره فالموتر ورجعت للبيت ها وشصار ان شاء الله

نسيتهااااااااااااااااا





واحد من الزملاء موظف فمدرسه عندنا فالسويدي اداري وانا والله رغبتي اني اتوظف في مدرسه

قالي رح ورحت ودخلت على المدير

قال خلاص خلك متواصل عشاني رحتله على نهاية السنه معذور
وقبل ماتبدى السنه يعني العطله الصيفيه وانا وراه على برسايل ولا اكلمه


ويقول ان شاء الله خير وانا متفائل صراحه

بدت السنه داوم المعلمين فقط قالي تعال رحتله ودخلت عليه هو ومدير مرحلة المتوسطه قام يقلب فوارقي وقام يطالع فوق تكهربت قلت الله يستر

قال خلاص خل شهادات وحنا بنصل عليك ولا يومكم كله خرابيط طيب على كل هاذا هي كلمه وحده وريحني مافيه وظايف ولا تشغل بالي



ووعندي من السوالف كثير بس هاذولي الي والله لو توظف وكيل وزاره << ردد ياليل ماطول

ماراح انساهاااا


شـكرا لك وبارك الله فيك ... لك مني أجمل تحية .


احبائي انا رغبتي بوظيفه فمدارس اداري فا الي عنده من علم ياليت يراسلني عالخاص فديتكم