اقتباس:
المشاركة الأصلية كتبت بواسطة عطور
[align=center]
مرحباااا بناااااات... اليوم راح أخبركم بتفاصيل زيارتي الميمونه لوزارة الخدمة المدنية ,,, 
أنا كنت عندهم أمس الأحد في البدايه يوم سألتهم عن الأختبار طلعو مايعرفون عنه أي شي غير أسمه !!!
كنت جاية لهم عشاان أستفسر لقيتهم موفاهمين الموضوع !!!
المهم جلست أشرح لهم وقلت لهم أن هذا الأختبار جديد وعلى وقتنا كان غير معمول به وتقريباً هو نزل من سنتين ,,
وهم يناظرون فيني بأستغراب  يعني شي جديد عليهم ،،،
تخيلو بعد هذا الشرح مني توقعتهم تفهمو قالت وحده منهم اييييه يمكن قصدهم لمن يستدعونك للمطابقة يطالبونك بالأختباااار <<  ياشيخة ؟؟؟ ارحميني
رديت عليها أنه لمن أروح أختبر راح يتغير المعدل يعني ماراح تكون بياناتي مطابقة ,,,
وكلمتها أنه المؤسسة لمن سألناها عن وضعنا هذا ردو بأنا لايلزمنا أختبار وأنه طالما شهاداتنا مصدقة من الوزارة لسنا بحاجة لهذا الأختبار...
طبعاً أعطيتها شهادتي وطالعت فيها وقالت طيب أنتي شهادتك تحت إشراف وزارة التربية والتعليم ومختومة كمان من نفس الوزارة << أيه ياشيخة قولي كذا وريحيني 
يعني وضعك في السليم ومنتي محتاااجة أختبار شامل,,,,
وقالت كمان أنه الأختبار هذا للناس اللي شهادتهم تحت أشراف المؤسسة العامة للتعليم الفني والتقني << عن جد أنبسطت
طبعا الموظفات كانو ثنتين وحده منهم من الي كانو يردون علينا في الدعم والمسانده وكانت مستغربة لمن قلت لها أنه لما سألناكم عن الأختبار قلتو لنا روحو سجلو وأختبرو << 
والثانيه اللي معاها كانت تقول لي كان صورتي الرد وجبتيه << عجيييييب
شلون يعني مو مصدقيني << 
وهذيك اللي تبع الدعم قالت لزميلتها مو بس أحنا اللي نرد حتى الرجال يردون << مو كأنها صرفت عن عمرهاااا ههه يحليلها ,,
المهم أخذت شهادتي وورقة ملخص الطلب وطابقتهم ... قالت ok بياناتك صحيحة 100%  << الحمد لله والشكر له.
الحمد لله ماقصرو الله يجزاهم بالخير << من لايشكر الناس لايشكر الله ...
وهذي قصتي معاهم من طق طق لسلام عليكم .. والله على مأقول شهيد,,
في الختااام يابناااات .. اللي حابة تستفسر أو تتأكد تقدر تستشهد لهم بما قلت ,, وبعدين أنبسطو ومو أي كلام يقولونه تأثرتو وزعلتو أعتمدو كلامي وتوكلو على الله <من توكل على الله فهو حسبه>...
،،،،وعلمي وسلامتكم,,,,
هذي لكل وحده فيكم 
[/align] |
موب دارين عن الاختبار الشامل .. يا سلام عليهم
وحنا نحرق بأنفسنا هينااا ...
على قولتك عطور نتوووكل على الله وإذا لنا رزق بيجينا ان شاء الله
الله يووفقنا جميعاااااااً
دعاء : اللهم ان كان رزقي في السماء فأنزله وان كان رزقي في الارض فأخرجه ..وان كان بعيد فقربه وانا كان قريب فيسرة وان كان كثير فبارك لي فيه ياارحم الراحمين ياذا الجلال والاكرام ياواحد يااحد يافرد ياصمد ياودود ياودود ياودود واللهم صلي على محمد وعلى ال محمد واكفني ياذا الجلال والاكرام بحلالك عن حرامك..وبطاعتك عن معصيتك وبفضلك عمن سواك ..يا إله العالمـــــــين ....