بسم الله الرحمن الرحيم طريقة التسجيل أول شي افتح الرابط ذا http://www.moi.gov.sa/wps/portal/specialforces/jobsAR أول ما تفتح لكم الصفحه بتلاقون على اليمين ثلاث خيارات وهي : إرشادات الشروط الوظائف الشاغرة اختار اخر خيار تحت وهي الوظائف الشاغرة الأن بتفتح لكم صفحه مثل كذا : مثل ما في الصوره نسوي نضغط على رقم 311 الأن بتفتح لنا صفحه جديده ، أنزل لأخر شي تحت بنلاقي نفس هالصوره : مثل ما هو باين اول شي نحط صح على ( اوافق على جميع شروط و قواعد الوظيفة المذكورة أعلاه ) ومن ثم نضغط على تقديم الطلب الأن تفتح لنا صفحه مثل كذا طبقوا مثل بالصوره حطو رقم البطاقه ( الرقم الطويل بالبطاقه ) بعدين اضغطو على تقديم بعد ما نضغط تقديم راح تجينا رساله بخط لونه اخضر زي كذا : اضغط على ( طلب الحصول على وظيفة ) بعدها راح تجيك صفحه مثل كذا : أضغط مثل ماهو باين على ( موافق ) الأن بتظهر لك أول صفحه من المعلومات اللي لازم تعبيها والصفحه الأولى تضم المعلومات ذي : ( الاسم ، تاريخ الميلاد ، الجنس ، البريد ، المدينه الجوال ، الهاتف ، العنوان ، اسم الأم ، جنسيه الأم ، الطول ، والوزن ، واسم المرجع [ المرجع هو الشخص الذين يرجعون له في حال غيابك ، يعني اختار لك شخص قريب منك يرجعون له بعدك أبوك او اخوك او اي شخص ] القرابه يعني صله القرابه اب او اخ او عم ، وحط رقم جواله ) هذي بالنسبه لمعلومات الصفحه الأولى : الأن بعد ما عبيت المعلومات أضغط على ( التالي ) الأن الصفحه الثانيه هي المؤهل العلميه سواء كانت ثانوي او غيرها لكن انا طبعاً بشرح الثانويه وهذي صوره مشروحه شرحتها لكم تبين لكم كل شي بالتفصيل أضغطوا على الصوره على شان تشوفونها بحجمها الطبيعي لأن الخط مو باين الحين لما نعبي البيانات ونضغط على إضافه راح يطلع لنا مربع بني مثل كذا : هذا دليل اننا اضفنا الشهاده ، الأن نضغط على التالي الصفحه الثالثه إذا كانت عندك لغه أو خبرات بالحاسب تضيفها بنفس الطريقه السابقه نعبي المعلومات ثم نضغط إضافه لي يطلع لنا جدول الشي اللي نضيفه الحين نضغط على التالي الصفحه ذي إذا كنت قبل متوظف تعبي بيانات الوظيفه مثل متى توظفت ومتى تركت الوظيفه وطبعاً بعد تعبئه المعلومات لازم نضغط إضافه الحين نضغط على التالي الأن الصفحه ذي للي عنده دورات مثل دورات الحاسب او دورات الموارد البشريه او او إلخ اللي عنده دوره يدخل المعلومات واعتقد كلها معلومات مفهومه وطبعاً لا تنسون بعد تسجيل المعلومات نضغط على إضافه الحين نضغط على التالي الأن اخر صفحه للمعلومات وهي انك تختار ثلاث مناطق تفضل انك تتعين فيها وطبعاً الأختيار بالأولويه بعد اختيارنا لثلاث مناطق نضغط على عرض والتحقق الأن بيطلع لك بياناتك كلها ، تأكد ان بياناتك صح ومافي اي اخطاء وإذا لقيت شي خطأ تلاقي كلمه تعديل في كل مربع اضغط عليها وعدل إذا معلوماتك صح كلها اضغط على تسليم الأن بعد تسليم راح يطلع لك جدول يبين لك رقم بطاقتك فوق وتحته جدول واول خانه بالجدول مكتوب رقم الطلب وتلاقي الرقم تحته على طول مثل كذا : الحين خلاص اضغط انهاء او طباعه للي يبي يطبع واي شخص يضيع رقم الطلب يلاقي رقم الطلب بالأميل الشرح اعلاه منقول من الاخ طلال الشراري وتم وضعه هنا لتعم الفئدة للجميع. ملحوظه: ( لتعديل الطلب حاليا لابد التسجيل بموقع الوزاره من الرابط التالي (رابط التسجيل ) وبعد اكتمال التسجيل والدخول كمسجل . ادخل على رابط الوظائف الشاغره واختر الوظيفه بالضغط على رقمها 311 وسوف يتم اعلامك بانك سجلت قبل ذلك ..ماعليك الا ان تضغط على زر تقديم لكي تطلع بياناتك السابقه وتعدل اللي تبي .. بالنسبه لطباعة الاستماره من الرابط ( رابط طباعة الاستماره ).. وتقدر تحصل عليه من الخدمات الالكترونيه - ديوان وزارة الداخلية - عرض طلبات التوظيف للمسجلين ولغير المسجلين الشرح اعلاه مني انا ومن الاخ راعي العوجا دعواتكم لنا بالتوفيق.