اقتباس: هذا الله يسلمك مايبونك تنجح حتى لو نجحت بيرمرمطونك مرمطة وهذا ما حصل معي شخصيا اقولك السالفة انا علقت على الوزارة لمدة 3 سنوات ذهاب واياب لها الدرجة ان الموظفين هناك يعرفوني من كثرة التردد في النهاية ملوا مني قالوا خلاص بنختبرك علشان يفتكون مني على بالهم اني ماراح انجح عموما نجحت الاختبار ولله الحمد نظري وعملي والمقابلة >> محاولة تعذيبي لكن يخسؤؤن و املي بالله كبير المهم هم تفاجأوا اني اجتزت الاختبار لذلك سحبوا علي وضيعوا المعاملة بدون عذر حسبنا الله ورجعت اعلق الين قالوا خلاص بنعطيك فرصة وهذه بعد 4 شهور من التردد ونشب في حلوقهم والتعليق على الوزارة قالوا الاختبار اللي نجحت يعتبر لاغيا لان المعاملة ضاعت ..!! و قلت ماهي مشكلة سووا المعاملة جديدة ويوجد موظفين راح ياكدون اني مجتاز الاختبار قالوا لا .. اسلوبهم فاضح لذلك مافي امل الا ان اعيد الاختبار للمره الثانية او اذلف وجهي مع ان الاسئلة الاختبار الثاني اقسم بالله العظيم مالا دخل بتخصصي وصعب جدا لان الاسئلة عن برمجة قاعدة البيانات وتخصصي شبكات فرق بين الارض والسماء وبعد الاختبار سويت المقابلة وانا اقسم بالله اني جاوبت على كل اسئلة مقابلة ولم اتلعثم او اتردد وتصرفت مثل اسلوب مهندس والمقابلة كانت سهلة بحكم خبرتي في مجال الكمبيوتر وفي الاخير قالوا لم تجتاز..! مع اني اعرف واحد من اقاربي بالوزارة وهو من اعز اصدقائي يتابع اموري يعني عيني واذني بالوزارة قالي انت ناجح للمرة الثانية واخذت 65 % يعني جيد والاختبار الاول اخذت 72 % جيدجدا لكن وش اقول الشكوى لله اي وظائف عددها قليل لاتحلم فيها فهي لاصحاب الواسطات ولاتنسى الرويبضة اقصد الربيعة حبيب الفلبينين يحارب اصحاب الدبلومات الصحي انا مظلوم في وطني مغترب في دياري مغلوب على امره في بلد اسلامي محارب من قبل الخونة والاجانب والله بلاد الكفر مايسوون اللي عندنا و يعزون الشعب عكس اللي عندنا لاحول ولاقوة الا بالله اخوي مادري وش اقول لاكن ماقول الا اللـه يسهلها لـك انشاللـه ويرزقـك بالوظيفـه اللي تناسبك واللـه اني عشـت لحظاتك لاحول ولاقوة الا باللـه ادعـي عليهم اخوي ترى دعاء المظلوم مستجآب لاتاخذك الرحمـه فيهم هذولا اللي ضيعو البـلد وضيعو الشبآب
