بسم الله الرحمن الرحيم السلام عليكم اخواني اخواتي الكرام اما بعد ::: ( صارت خطبه خخخخ) كيفكم اخباركم والمعونه (وحده متاثره من جدها هذا دايم اسمعه يقولها والا الان ماعرفت ارد عليه خخخ) والعلووووووووووووم (دايم ارد ع جدي واقول العلووووووم عند البقووووم خخخخ) المهم مالكم في الطويله ياجماااااااااااااعة الربع خخخخخخ الخير بصراحه قاعده انا وبنيت خالي وهي خريجه محاسبه منذو مبطي وهي تبحث عن الوظيفه التي تناسب طموحها وتسد جوعهاااا خخخخخ وتتخلص من العاده السيئه الاوهي رزت الفايس اللي هي من طبايع التيس عند خاااااالي المسكين كل ماأحتاجت مبلغ من المال وقدره ********* وانا وحظي الطايح واحلامي التي تهاوت وسقطت في دهاليز البطاله (الحظ عاثر والاماااني كثيره) المهم الوظيفه غسلت ايديتي منها مير الله يعوضنا برجال الصالح:o الذي يقدر الحياه الزوجيه خخخخخ ياعرب انا ضاقت بي الوسيعه والله تعبت ماخليت انا والخبله اللي عندي مكان ماقدمنا عليه ابكم تعبت حتى صاحب الفاكس اليمني عرف اشكالنا توقعو من كثر مارزينا وجيهنا عنده يقول خلو سيرتكم عندي واذا لقيتو رقم دقو علي وارسلها له ( يا انه تعقد من اشكالنا سبيكه ورقيه او انه راحمنا وانا ارجح الا حتمال الاول ) تخيلو بنت خالو مره اتصل عليها مكتب من ضمن اللي ابتلشو باوراقنا وقال انتي فلانه قالت ايه انا علانه قال انتي مقدمه سيرتك ونبيك تجين تجرين المقابله عاد الخبله قالت انتم مين قال ماتعرفين من قدمتي عليه قالت ابك والله ماخليت مكتب في الرياض يبي موظفات ماأرسلت له حتى سولت لها نفسها ترسل سيرتها لوظايف الرجال تخيلو شكلها حارس امن خخخ يخزي العين الحلو بتمشي اموره والشين بتنشب له المهم يــــــــــــــــــاعرب ياقــــــــــــــــــــــــوم والله اني صادقه ضاقت بنا الوسيعه نبي وظيفه نوم ومرعا وقلت صنعا يا اروح لبنت خالي في بيتها ياهي تجيني ملينا والله تمنينا ترجع ايام الجامعه والله كنا مدلعات طلباتنا مجابه السوق دايم طايحات فيه والمحفظه مليانه عمرها مافضت بحكم اننا طالبات دراسه ومصاريف ابحاث وما الا ذلك ومكافئه تنزل كل شهر والله عز أما الان فقد تجرعنا انواع العذاب والمذله تخيلو اذا طلبنا شي قالو وش تبين فيها لا دراسه ولا شي تخيلو حتى الخمسين يعطونا هي بطلعت الروح واذا تكرمو وعطونا هي سالونا وش تبون فيها آآآآآآآآآآآه آآآآآآآآآآآآه ياحرررررررررررام ( الله يذكر زمان طاف ياجماعة الخير **يوم المحافظ من الفلوس مليانه والكل من حياته راضي ) ياعرب هل انتم تمرون بحاله مثل حالتنا وربي ملينا نبي نشتغل ملل وضيقه خلق جالسه البيت ودي انااااااااااااااام وانا اقوووووووووووول بكره عندي دووووووووووم خخخخخخ واللي يقهر اكثر ويبط الكبد انو اغلب فرص الوظائف اللي جتنا من بنوووووك ربوووويه ونحن شعرنا في الحياه لا الربـــــــــــــــــا وعسى الله يرزقنا انا وياكم برزق الحلال ويغنينا بحلاله عن حرامه مختصر السالفه هذي كلها تعرفون رقم فاكس صااااحب ابل يبي راعي و طباخ يجيد الانكليزيه وأستخدام الحاسب الالي والله فله اسرح في الابل واشرب الحليب( وعععععععع اكررره حليب الابل )واذا جاء المغرب جو الضيوف وزانت السوالف وصبينا القهوه وتعشينا وانتهت السالفه وربي بعد هالحكي هذا كله اني مانيب طيبه فيني بلاء والظاهر انه من جلسه البيت اللي ماتجيب الاضيقت الصدر وسلامتكم ماقلت ها السوالف الا ابي اخفف من ضيقة بالصدر مكبوته وصح لسان الشاعر وتمسو على خير واسترو على ماواجهتو