سوري يعني ..
وش هالسيده يعني ابي افهم او ودي اعرف عندها يعني مخ ؟؟ والا كيف ؟؟
والله ماكنت اتصورررر فيه عالم مغفله لهالدرجه
الي اخبره ان الاطفال الصغار ينلعب عليهم ودائما نحذرهم لاتكلمون فلان لاتردون على علان وهيك حاجات تنبيهيه
اما حرمتن كبيره وفاهمه وواعيه وتتصرف بهالغباءءءء سوري يعني هنا نحتاج ووقفه
انا مااتشمت ولا استهزئ بس فعلا قمه الغباءءء والسذااجه
مابي مبررات الحاجه ومالحاجه بغض النظر عن كل هالامور واصلا لو بنفكر بهالتفاكير عز الله انعدمت
ضمايرنا وخوفنا من الله
الي بااقوله الحين باللهي وين احنا فيه !! يجيها البيت .. تركب معه السياره .. لا وبعد تخلي بنتها معه لوحدها !!! سلاماات بس سلامات
خوش والله خوش .. عسى بس هو اخوها والا خالها والا عمها ؟؟!!
يارب لك الحمد بس يارب تثيت عقولنا وديننا
الحين لو بااكون مع السواق مع خواتي وعيالهم وينزلون لمحل لو دقايق لو تنطبق السما على الارض ماجلست
بالسياره لوحدي ليه بايعه عمري والا وش هالثقه اصلا عشان البنت تقعد مع رجال اجنبي بالسياره !!
يعني اساسا فيه تساهل + غباء + عقل مهناش والنتيجه هالمصايب
والا يسلام عليها تطلع معه ويواعدها بجوال وماجوال .. وش هالخرابيط .. وترووح معه برجولها
يعني وش متوقعه بسلامتها بيدغدغها مثلا .. ؟؟!! النوايا وااضحه والخبث ملموس ووواضح
والي تنطوي عليه هالحيل ياغبي يا يستغبي ..
هالرجال مايخاف من الله هالموضوع خالصين منه بس الركه على الام وبنتها .. وش هالميانه والثقه
وكنه عم (ن ) والا خال (ن) لهم ..؟؟!!
فعلاا زمن العجايب ..
يالله ياربي تستر علينا وتثبت عقولنا وديننا يارب العالمين وتعافينا مما ابتلاهم ولاحول ولا قوه الا بالله ..