ياشباب انا رحت اليوم لوزارة الصحه لكي أسألهم عن التخصصات المطلوبه بالديوان

وبأمانة لم اجد مايبشر بالخير

طبعآ رحت لشؤون الموظفين وتوجهت بعدها لإدارة التوظيف وطبعآ كالعادة كل موظف يصرفلك من راسه أو يصرفك على موظف آخر!!

الموووهم توجهت لمدير إدارة التوظيف وسألته عن التخصصات المطلوبه وسألني عن تخصصي وجاوبته "سكرتارية طبية"
بعدها طقطق عالكمبيوتر شوي وقالي:
خير ان شاء الله راجع الديوان ويفيدونك هناك!!!!!
قلت سلامات ياخوي انا جايك من الديوان وارسلني عندكم وقالي انتو اللي بتفيدوني>>طبعآ الله يسامحني صرفتها عليه بس وش اسوي مايمشون الا بالنصب..

المهم اني ما سكت وحسيت انه مافي وظايف مطروحه لتخصصنا فسألته عن تخصص الصيدله بحكم ان اغلب زملائي هم صيادله فقال لي بالحرف الواحد
لم نطلب من الديوان اي فني صيدلي ولا حتى رقم واحد!!!

قلتله اجل وشوله فاتحين الديوان ويقولون فيه طلب خيالي من الصحه للديوان..

رد علي بنوع من الاستهزاء وقالي يمكن الديوان فاتحين طلب توظيف الفنيين الصحيين لجهة اخرى غير وزارة الصحه>>>انا قفلت معي ومشيت من عنده..

ويشهد ربي يالربع ان هذا ماحدث معي اليوم وأنا كنت متفائل الين رحت وبعدها قفلت واصبحت محبط..
عمومآ انا ترددت قبل اني افيدكم عشان ماأحبط احد لكن برظو اذكركم انكم ماتنتظرون الديوان ويروح الواحد يدور رزقه الين يفرجها الله والله يرزقنا وإياكم..

وبيني وبينكم أنا بعد اليوم ماراح الوم ديوان الخدمه لأنو بصراحه الخطأ من الوزارت هي اللي ماتنزل ارقام للخدمه..
يعني نبي الخدمه تصرف وظايف بدون طلب من الجهات الحكومية..

هذا ماحبيت افيدكم فيه وبالتوفيق للجميع