والله لو عندي امل انهم بيهتمون كان من اليوم للموعد وانا مسنتر عندهم

بس ذولا ناس ماعندها رحمه زارفين الدولة ويقولون وظفناهم

كل شوي ينط مسؤل مالها اي انجاز ويقول قضينا على البطاله والعاطلين الموجودين ليس لديهم رغبه في العمل

بالله ذا كلام رجال فيه خير ولا بس يتكلم وهو مايشوف الدنياء وشهي قايله

انا ما نبغى تجمع ولا شي احنا نبغى من يوصل رسالتنا لخادم الحرمين راس براس بدون بطانه تحجب الواقع

ولا الشعب السعودي من ذكور وإناث تتوقعون مايقدرون يشتغلون الوظايف اللي عليها الأجانب

لـــــــيـــــــه كل شركة تروح تسوي فيها مقابله لازم مديرهم اجنبي واللي يسوي مقابله اجنبي والسعودي فديته حاطينه استقبال

ليه عندهم علم موب علمنا ولا هم افهم منا فينا ..... وفي الأخير يسوي مقابله معك وهو نفسه في خشمه ولو بيده ذبحك

نناشد خادم الحرمين انه يشوف لنا حل ..... تعبنا واحنا نسمع إعلان عن وظايف حكومية وهل الواسطة على راس العمل من قبل ينزل الإعلان ..... تعبنا من تصريحات مسؤلين ولاشفنا شي ... تعبنا من التقديم ومن شهاداتنا ... صرنا حافظين كل مادة ودرجتها من كثر مانذاودها معنا ... تعبنا واحنا نبي نمسح طبلونات مواترنا من الملافات اللي عليها نقول يمكن يجي شي لينها قريبه ... تعبنا واحنا ندور احد يقرب لزوجت المسؤل لجله ينفعنا .

الله يرحم الحال بس