السلام عليكم ورحمة الله وبركاته
الصراحة اللياقة عندي ماتشجع اكتب موضوع بس وعدت انزل موضوع عن اللوحات الاعلانية او الشاشات الاعلانية
وهذا انا نزلت الموضوع عند وعدي
المشروع هذا اتمناه من كل قلبي بس ما اقول الا حسبي الله على بلدية بريدة اللي تشم ريحة الحسد عن بعد 100 كيلو
عموما قلت انزل الموضوع على العام ويستفيد اللي اسألوني ويستفيد غيرهم
و ماشاء الله تبارك الله ( سجود شكر لله سبحانه ) اكثركم مش ببريدة يعني فيه امكانية ينفذ هالمشروع .. والله يوفق الجميع
الفكرة وضع شاشة اعلانية بالممتلكات الخاصة مثل جرير او اي مركز تجاري
او وضع شاشة اعلانية بالممتلكات العامة لكن هذا يكون مقيد من الامانة ماتقدر تحط اعلان الا بعد مناقصة من الامانة وترسى عليك
انا افضل الشاشات الاعلانية وبمركز تجاري كبير في المنطقة افضل بكثير من وضع شاشة بالممتلكات العامة
طبعا فيه شركات مسيطرة على الوضع وانت مافيها شي تبدأ من الصفر وتنافسهم بعد
على فكرة الشركات ماتضع شاشاتها او لوحاتها الا بالشوارع العامة والطرق اللي على خطوط المسافرين
انت سيطر على المراكز التجارية الكبيرة
انا افضل الشاشات التلفزيونية . شاشة بريزما لانها تحمل 3 اعلانات بشهر واحد وقت كل اعلان 14 - 15 ثانية
بعكس اللوحات العادية اللي شهر كامل اعلان واحد
اماكن بيعها فيه بالسعودية سألت عنه وقالوا لي بسوني او انت قرب من الشاشة وراح تلقى متكوب عليها عنوان الوكيل
والصراحة ما افضل شرائها من السعودية الافضل من الخارج طبعا السبب معروف ربعنا مايقصرون معنا ويستغلون
وهذا موقع عن الشاشة بريزما بكل انواعها وبكل احجامها .. ودي احط الرابط لكم على العام بس مشرفنا راح يحذفه وقلت نختصر الوقت واحذفه انا من الموضوع
عفواً
الروابط الخارجية مخالفة
والموقع مثل مانتوا شايفين من الصين يعني عندكم موضوع الاخ عبدالله المفلح تسألونه عن كيفية الشراء من هناك
واللي يبي الرابط يرسل لي خاص او يرسل الاخ جاي متأخر << ورطته
لأن اصلا اللي دلني على الرابط هو الاخ جاي متأخر الله يجزاه خير .. بس ما استفدنا منه للاسف والبركة بالبلدية
احتياجات المشروع
- مكان مناسب لموقع الشاشة
- مكتب لاستقبال الاعلانات ( محل لو محل خضرة حوله انت لمكتب وصلى الله وبارك )
- مصمم ومصور

وفق الله الجميع