مساء الخير
بالنسبة لشركة حلول هي شركة مشغله لمصرف الراجحي لوظيفة مقدم خدمة عملاء ( كول سنتر )
الراتب يكون 3338 ريال طبعاً فيه شي اسمه حافز الجوده يكـون من 500 الى 2000 ريال
حسب تقيم مكالماتك طبعاً تستحقها بعد ثاني شهر من المباشرة
اما انك تلقيت منهم اتصال هم ياعزيزي يتصلون عليك عشان تجديد البيانات بعد كذا يتصلوا عليك عشان المقابلة المبدئية واختبار حاسب وارقام هذي مثل مايقولون ( بسيطة مره )
بالنسبة للمقابله مثل ماذكر الاخ انهم يطلبون منك عقد لمدة سنة وان اخليت فيه يطالبونك بـ 15 الف ريال
هالشي طبعاً مجرد معرفة الشخص الراغب بالعمل اذا شافوك قلت لا وليش تاخذون 15 الف ريال
معناه انك شخص ناوي تاخذ هالوظيفه مؤقته وهم مايبون كذا
وبالحقيقه انك توقع على عقد الزامي لمدة سنة وستة شهور بعقد جزائي قيمته 5000 ريال
وهالشي بس على قولتهم حبر على ورق لإنه لو حصلت وظيفة بالقطاع الخاص وماطلبو منك شهادة الخبرة
تقدر تخليهم هم الي يفصلوك وتكون كذا ابعدت عنك الشرط الجزائي واذا وظيفة حكومية غيب ثلاث ايام ورا بعض
يتصلون عليك يقولون انهينا خدماتك والسلام ( هذي بعض انواع البزوطه )

الشي الثاني بالنسبة الحين لحاملين الدبلوم ســت اشهر ويكون ترسيم بس اهم شي مايكون عمرك فوق 25 سنه
واذا عندك اي سؤال تحت الخدمه

بالنسبة للي يسألون طريقة التقديم هو تاخذ السي في حقك وتروح لمكتبهم بمجمع البستان ( كارفور ) طريق الملك فهد تقاطع العروبه الدور الثاني ( شركة الحلول الممتازة ) وتعبي نموذج عندهم وهم يتصلون عليك