طبعآ بالبداية خلوني اعرف بنفسي أنأ صاحب عضويت بحر الـ ع ـيون وهذا المعرف للولد عمي
واستأذنته علشان انزل موضوعي هذا علشان افيد الكل عن الفحص الطبي بالكامل وبالتفصيل
لان عضويتي نسيت رقم السري وللحين ماقدرت استرده حاولت ماجاني شي على الايميل

اولآ :
المطلوب أحضاره:..
( 1- البطاقة الشخصة الاصل فقط .. 2- عدد 2 صور شخصية تفضل مكشوفة الراس)0

ثانيآ :
الاجراءات :..
1-تعبئة نموذج الفحص مع اجابة على اسئلة عادية بلخصه بعد شوي.
2- اخذ عينة دم.
3-عينة بول ( الله يكرمكم ).
4- فحص الاسنان.
5- فحص الاذن.
6- فحص النظر.
7- فحص الحالة النفسية.
8- قياس الضغط .
9- اخذ الطول والوزن.
10- الاشعة.
11- فحص الجراحة والخصيتين.

اولآ:
ياطويل العمر تصف طابور على حسب الي قدامك كم عددهم .. ولاتخافون ماهم كثير وسريع
يدخلون اول شي عند النقيب يعطيك استمارة الكشف وتعطيه الصورتين
والاستماره مؤلفة من صفحتين
الاول بياناتك والثانية فيها تقريبآ 10 اسئلة بخصوص عملت عمليات من قبل ولا لا
وتعاني من حالة نفسية ولا لا
يعني اجراءات عادية جدآ كلها عن جسمك .. ماتاخذ منك دقيقة
يدخلون 4 اشخاص مع بعض.

ثانيآ :
تصف طابور مره ثانية برى مقابل الطابور الاول وتنتظر دورك بسحب عينة الدم والبول.
للبول سعودي .. والدم مصري بس جمب بعض.
والنتيجة يكتبها لك بعد الاشعة.

ثالثآ فحص الاسنان :
طبعآ لااحد يخاف مثلي والله فحص عادي مره اهم شي الي قدام اذا هم خربانين مثلي يقولك حاول تعدلهم قبل الدوره ويمشيك على طول زي العسل .. ويكتب لك سليم. ( دكتور مصري).

رابعآ : فحص الاذن :
اجراء عادي يشوف الاذن فيها مشكلة ولا شي ماله دخل بالنظافة . ( دكتور مصري ).

خامسآ:
سستر فلبينية تفحص ضغطك وعندها دكتور هندي يكتب الضغط ويقيس الطول والوزن ويوقع لك على الورقة.

سادسآ :
طبيب نفسي : يسألك كم سأل عادي مثل رحت طبيب نفسي من اول ولا لا.. عندك حالاة صرع او ماشابه ذالك . (طبيب سوداني حبوووب )

سابعآ :
فحص العيون : يحط لك لوحة على بعد تقريبآ 4 أمتار الي فيها الحروف ولاتخاف والله يتساعد معك اذا غلطة يقولك حاول وركز يعني يعطيك فرصتك للعلم انا نظري 1 والثانية مع تشويش
بس طقيته طقت عمي ^_^
المهم بعدين يفحصك عم الوان يحطه على بعد متر وذي بسيطه جدآ للي ماعنده عم الوان.
طبيب مصري حبوووب برضو.

ثامنآ :
الاشعة .. ياهي غثييثه اكثر شي تطول هناك يحطونك بغرفة انتظار مكيفة جمب غرفة الاشعة
المهم تنتظر دورك بعدين اذ دخلت تمبطح على ظهرك وتاخذ السستر صوره وبعدين توقف على لوح معلق بالجدار وتاخذ لك صوره .. ( طبيب سعودي )

تاسعآ :
ترجع للمكان الاول وتسلمهم الورقة يسجلون عليه نتيجة فحصك الدم اذا فيك شي يمشونك البت اذا مافيك شي تكمل وتنتظر دورك للفحص الجراحة يشوفون كان سويت عملية من قبل ولا لا
ويشيك على الله يعزكم الخصاوي . طبعآ ( طبيب مصري ).
ماياخذ 5 دقايق.

الدم والبول والنظر والنفسية في صالة وحده .. والاسنان والاذن والغط والطول والوزن بغرفة وحده
وتعبئة الاستمارة بغرف لزقة فيهم.

هذه كله بالنسبة للفحص الاحساء اما المناطق الثانية حسب ماسمعت وسألة انها اجراءات وحده
مثل بعض مايتغير ولايزيد شي.

والله العظيم ياجمعت الخير مافي اي مشاكل هناك والله الكبير يحترمك قبل الصغير
مافي نفخه ولا قلت حيا من اي واحد ويتساهلون معك للابعد حد .. ومافي احسن من انه هو يوديك بنفسه ويعلمك واي استفسار يجاوبك سريع .. وغير كذا يزبدها بوجهك اذا عندك سموم اسحب اورقك وامش قبل ماافحص دمك لان لو سحب دمك لازم يسجل سبب الرفض الي هو وجود سموم
وبعدين تدخل بسين وجيم .

للي يلبس نظاره .. يحاول قد مايقدر يشيلها ..
حاول تروح رياضي.. اسهلك بالفحص ..^-^

والامر سهاله .. وابد الكل بيمشي مدام انه سليم .. وورقتك قدامك تشوفها اوكي ولا لا
واذا في اي شي عآدي يعطونك مهلة الى الاثنين القادم.

هذا مااردت ذكره واسمحولي على التقصير ...

والسلام عليكم ورحمت الله وبركاته