مرحبا امل ,,
أنا أختبرت الرخصة في نيوهرايزن فرع الباحة ,,,
أول شيء اعادة الاختبار ما فيها تدفعي فلوس ,,,

وثاني شيء النتائج كلها تطلع مع بعض يعني لو نتائج اللي معاك اختبروا بنفس الساعه ما طلعت
فهم صادقين ,,, لكن مو من حقهم يطالبوكم بالدفع ,,,
يعني يفضل تسألي البنات اللي أختبروا معاك إذا أحد كلمهم وقال لهم مثل ما قالوا لك ,,,

أتذكر كان عندنا بالمعهد بنات يطلعهم الجهاز راسبات لكن المشرفات يراجعوا السجلات احيان ويكتشفوا انه كان فيه خطأ وينجحوهم ,,
يعني كل شيء ينحفظ عندهم درجاتك بكل تمرين محفوظة ,,,

والشيء الثاني إذا انت وقعتي بعد الاختبار أنك اختبرتي فهذا دليل كافي ,,,

يفضل تكلمي المديرة هاتفياً وبدون إنفعال ,,
أحياناً تحدث لنا اشياء بسيطة لكن ردات فعلنا تجعلها أكثر سؤاً ,,,

بسألك إذا تدربتي على الاختبارات التجريبية قبل ما تروحي تختبري ؟ لأن معرفة بيئة الاختبار شيء اساسي ,,
والمعهد لازم يوفر لك فرصة تدريب ,,
وإذا الجهاز علق كثير هذي المشكلة تصير ومو بيدهم لأن الاختبار أونلاين يمكن لو كان فيه جهاز فاضي بالقاعه كانت راح تنقلك عليه تكملي ,,
من المواقف اللي تصير كمان ممكن تتغير المادة بالخطأ ,,
وممكن يعلق وكل القاعه ما تقدر تدخل الاختبار وهالموقف حصل لي شخصياً ,,,

يعني بجد أتضايقت لما قلتي رميتي بطاقة المهارات عليها ,,,
يعني لو كنت بمكانها هذا الشيء يرضيك ,,,
ولما تقولي لها انت همك الفلوس ,,, قولي هالكلام لمالك المعهد هي ايش دخلها موظفه لا لها ولا عليها ,,,

كوني بألف خير ,,,