بسم الله الرحمن الرحيم
لك مجلس ٍ بين الحنايا ومحشوم
فز الحشا ولابيات حزنـي تطرقـت
في ليلةٍ مالاذ فـي عينـي النـوم
مدري فوّقني خاطـري او تفوّقـت
بس الوكاد اني على الشعر ملـزوم
قمت اتوجد بين الاحزان واشتقـت
ويطري عليا واحدن فيـه مغـروم
نصيت راس النايفه يومني ضقـت
وانا براسي الف هوجاس ٍ ايحـوم
واصبحت انادي بالمراقيب من وقت
كني ادوّر غايتـي بيـن الحـزوم
اصبحت انادي بالمواويل واطلقـت
صوتٍ جريح ٍ يسمعه كل مصمـوم
وين الذي من لجلها روحي اعتقت
وين الذي له الحشا حيـل مهيـوم
يامن سلبت القلب محشوم لو بقـت
لك مجلس ٍ بين الحنايـا ومحشـوم
بس ارجعي كفا من الدمع .. ماطقت
تكفيني الاحزان وتفكيـر واهمـوم
امن القهر اضحك وبالخمس صفّقت
ياشين مقهـورٍ تبسّـم و مظلـوم
ادمح خطاك وزلتـك يـوم لفّقـت
واقول لاعل وعسـا ينفـع اللـوم
انا حزين وانـت بالحيـل روّقـت
والظاهر ان الحب بك صار معـدوم
كنك لروحي سقتهـا للفنـا سقـت
وش عذرك لا ذبحتني ياملا القـوم
ياخلي لاني ميّت اصـلا ولا فقـت
متعلقٍ فـي رجـوى حـيٍّ وقيّـوم
بلاك ماذقت اللي يازين انـا ذقـت
دايم واقول ان العنا حـظ مقسـوم
لاتاخذ اخطايه ومعروفـي اغرقـت
الادمي ماهو على اخطـاه معصـوم
ياخلي لـو بسيـرة الحـب برّقـت
تشوفهم كم واحـدٍ مـات مغـروم
تراك لا ميّـزت يازيـن .. فرّقـت
تعرف سوايا هجركم فينـي اليـوم
امحقت روحي في سواياكم امحقـت
لاصار حتى بوصلك الروف معـدوم
شفتك انا شفتك وذا الحين صدقـت
اني ولو شفتك فلا زلـت محـروم
مابه حياة المن تنادي الـى ضقـت
ارجع يابن نـواف ماينفـع اللـوم
يالله دخيلك من عنا تالـي الوقـت
وقتٍ خذاني يـوم قفيـت مهـزوم
انتي كـذا يادنيـا زلتـي ولاذقـت
طعم المحبه بـس هايـم ومهمـوم
ــــــــــــــــــــــــــــــــ
اتمنى ان تنال اعجابك
منقوووووووول