اختبار القياس للجامعيين نفس نظام اختبار القدرات للثانوية

فيه اشياء متغيره عن اختبار الثانوي مثلا اسئلة استيعاب المقروء في الثانوي تلاقي السؤال مباشر وتلاقي الاجابه مباشره

مثلا في اختبار القدرات في الثانوية يجيك سؤال

ماهي عاصمة المملكه العربية السعودية

الرياض
الدوحة
الكويت
المنامه


بهي الطريقه بتلاقي الاجابة واضحة في النص تلاقي مكتوب عاصمة المملكه العربية والسعودية هي الرياض


لكن في هذا اختبار الجامعيين

تلاقي 4 اجابات صح لكن وحده منها هي الاصح
واحيانا يعتمدون على وجهة نظرك الشخصيه في الموضوع هل النص الموضوع يمثل الواقع ؟
وانت ووجهة نظرك

غير كذا فيه اسئلة فيها بعض التغيير وتحتاج التفكير اكثر من قدرات الثانوية


المهم فيه كم نصيحه كنت اتمنى اني الاقي واحد ينصحني فيها وهي كالاتي :

1- حاول قراءة اسئلة قديمه (فقط لتحريك مخك وتعويده على طريقة الاسئلة ) لا تزيد القراءة عن ساعتين قبل الاختبار بيوم او يومين
2- الاختبار يختبر معلوماتك العامة والتي اكتسبتها طول حياتك فلا تحاول ان تطور ثقافتك في خلال اسبوع .
3- لا تفكر في الاختبار كثير .
4- النوم جيدا . ( يجب ان تكون مستيقظ قبل الاختبار بحوالي ساعتين ) حتى تكون بكامل نشاطك .
5- لا تربك نفسك قبل ذهابك لقاعة الاختبار .

ان شاء الله اني ما طولت عليكم اخر شي ابي اقول لكم شي بالعاميه بدون لغةعربية(مكسر ام اللغه)

يا شباااااااب درجه الاختبار ما تقدر تغيرهاااااااا ودرجتك ثابته (الشي الوحيد اللي تقدر تسويه هو انك تعرف طريقة الاختبار ) يعني لا تتعبون انفسك ولا تشيلون هم اطلاقاااااااااااا

لاني اعتبر هذا الاختبار مثل اختبار تحديد فصيلة الدم (A , B,O) فصيلة دمك ثابته واتحد اي واحد فيكم يغير فيها شي والدليل على ذلك ان اي واحد يختبر مره وثنتين وثلاثه ودرجته ما تتغير الا شي بسيط


توكلوووووووو على الله وكل واحد يطلع للاختبار يطلع على انه طالع لاي صالة العاب

اتوقع ما فهمتو ولا شي

درجتي كانت فوق 75 ما اقدر اقول اكثر من كذا ( تلاقيها 75 ونص)