اقتباس:
المشاركة الأصلية كتبت بواسطة فتى المستجده
السلام عليكم ورحمة الله وبركاته
اخواني انا خلصت المقابله يوم الاحد بمدينة القصيم
وربي تساهيل انتم لا تخافوون بس اهم شي علييك بدله رياضيه وما يضر لو علييك كنادر وانتم كرامه تفصخهاا من وراء خشمك <<هههه
انا جيت الساعه 7 ولقيت عسكري من الضبعان اخر اسمه ياخي عقد فيني يقول نزل الجوال بالسياره << ما يدري اني جاي مع كداد < قلت والله ما معي سايره قال دبر عمر كقلت وين اودييه تبيني اطشه قال مو شغلي يالله طلع الجوال وحطه بالسياره
امهم حطيته تحتالكفر حق سيارت واحد من اللي داخليين الدوره يوم طلعت لقيته << احسن شي
على العموم دخلناا ولقينا ثلاث افراد منهم الجندي والرقيب والعريف وينادوون بالاسامي خلصت كل شي ودخلوني مع الباب لقيت كل اللي فيه رافعيين سراويلهم الى الركبه وانا مع الخير يا شقرارفعت ونادوني لقياس الطول بصراحه رجال موجود عند القياس وكيل رقيب اخر اسمه البيشي << الله يوفقه ويخليه لعياله ما قصر قاس الطول ومشاني ورحت للجندي واحد حربي ما اعرفه
ودخلني على الضباط والمقابله الشخصيه
وسوو مقابله مو صعبه بالحيل يا ناااس اقسم بالله سألوني عن بندر بن سرور ما اعرف له شي قال الظابط واحد عتيبي قل ما تحف عن قصيده << وانا اقول بيت وهو يصصحه لي وقال حرك اصابع يدييك
واقراء صورة الفاتحه واخر شي ال بالتوفييق
وجيت عند الكمبيوتر وخذا الشهاده الاصليه جلس يطقطق بالكمبيوتر وعطاني اياااهااا وقال روح لم الجنود اللي عند الكراسي ولقيت لي محل وعطاني دفتر الاتحاااق واصور لازم معك على الاقل 6<< هم ياخون اربع بس ثنتين يمكن يخرب شي من الصور تلقا معك وحده زينه
بالتوفيق اللي قبلووا والسلام عليكم
|
افتكينا من السيااااسه والحين شعر
وانا وش عرفني في بندر بن سرور 
والي موب راعي شعر وش يسوي 
ماقصرت يالغااااالي وعقبالك القبول النهائي ان شاء الله
للفائده حبيت انقلكم كل شي عن الي وشسمه هذا بندر بن سرور
.................................................. .......................................
هو بندر بن سرور بن خضير القسامي العتيبي
ولد وترعرع في القراره بمدينه الدوادمي سنه 1360هجري
توفي والده وهو صغير السن وعاش مع عمه بعد زواج والدته من رجل اخر.
عاش الحرمان منذ صغيره وربما السبب فيما وصل اليه بندر من موهبة شعريه فذه
درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي
قال بيت له عندما اتاه احد الدائنين يطالبه بماله
الدين واجد و الوظايف تعيسة *** والعسكرية خلت الراس شايب
من اشهر قصائد بندر ابن سرور علي الاطلاق والتى يرددها الجميع
( ياسهيف الذرعان)
وحكايتهاعندنا قام بندر بن سرور بطرق باب الامير تركي بن ربيعان في وقت متأخر وكانت احدي الفتياة تخاطبه من خلف الباب وسألته من هو وما يريد قال انا بندر اريد والدك وعند ما سأل الامير تركي الفتاه عن الطارق قالت هذا المرجوج بندر وقد سمعها حين قالت المرجوج واخذت كلمتها تلك موقعٍ من الاسيءفي نفسه
وكان بندر معروف لدي الجميع وقد انشد قصيدته تلك
ياسهيف الذرعان مانيب مرجوج***رجتني الأيام غدر وحيله
يابنت لولا اللي على تاسع الفوج***تركت نجد وعزوة بالقبيلة
لاشك حاديني على نجد هادوج***مسقي الفيافي لين يدرج مسيله
تركي ليا من الليلي غدن عوج***حملة عتيبة كلها ماتشيله
يرسي كما ترسي البواخر على الموج***ومنين ماصك البحر يرتكيله
مادام تركي حي ماودي أدوج***وإن غاب غبت من الرجوم الطويلة
تقبلو مروري ولكم مني اجمل تحيه