أشكركم جميييع عل تفاعلكم وردودكم
بالنسبة ل عبقرية زماني أنا رحت للمقابلة وكانت أسئلتهم فقط معلومات شخصية .. يعني سألوني هل كنت تشاركين بالأنشطة الثقافية والعلمية بالجامعة لما كنتي تدرسين؟؟ وقالوا لي وش هواياتك وقت الفراغ وش تحبين تمارسين؟؟ وقالوا لي بعد عندك استعداد تكملين الماستروالدكتوراة ؟؟ وقلت انشالله .. وقالوا لي ان فيه بعثات وراح تكملين دراستك خلال السنة الأولى من وظيفتك..وأسلوبهم كان عاد لكن لازم وانتي تتكلمين معهم تقولين الصدق لأنك لو قعدت تهايطين عن نفسك بيحشرونك أن الحمد لله ربي ثبتني.. وكان عدد اللي جو للمقابلة تقريبا 19 طبعا أولاد وبنات هذا اللي شفت أسمائهم مسجلة قبلي .. وبالنسبة لتخصصي أنا فيزياء ..
اما بالنسبة للعضو ماليل أشكرك جدا على معلوماتك لكن هل أنت متأكد منها ؟؟ يعني سبق وقدمت عندهم ؟؟ أو تعرف أحد قدم ؟؟ الله يفتح لك أبواب رزقه قولي بالضبط وش اجراءاتهم ؟؟ كلامك خوفني زيادة ؟؟ عاد انا كنت أحلم بالشي هذا من يوم تخرجت ..وأهل واللي حولي حاطين أملهم فيني وخصوصا زوجي وماودي اخيب أملهم وأنا جدا متحمسة أغامر.. وعلى قولتك لازم أنا أجب لنفسي قبول من جامعة وشرط انها أمريكية ؟؟ طيب هم ليش ماخلصون اجراءاتي مع الجامعة؟؟ وبصراحة أنا ماحطيت أمريكا في راسي ودي بماليزيا أو استراليا أخاف أمريكا يمنعون النقاب؟؟ وبعدين أنا ماأدبر شي كيف بجيب القبول وبالنسبة لزوجي ماودي يتبهذل معي أكثر من اللازم هو بعد مو فاهم بهالشغلات ؟؟ الله يفرج هم كل من يرد على تساؤلاتي الكثيرة .. وصدقوني ياجماعة أي شي يصير جديد معي راح أفيدكم .......

تقبلوا تحياتي