اقتباس:
المشاركة الأصلية كتبت بواسطة اسنع عاطل
ذكريات الطفولــه ..
- نطلع باختبارات الابتدائيه و نشتري النفيخات ( البالونات ) ونعبيها ماء ونفقشها على بعض ومن حاره لحاره .. ولاجاء الظهر نفطر في البوفيه
- ايام الكابتن ماجد .. يطير بالسماء ويبي يشوتها دبل كيك .. يجلس ربع ساعه همن تنتهي الحلقه
ونقول : يوه متى يجي بكره !! 
- ايام .. مسجد الحاره برمضان .. نلعب كوره مع صلاه التراويح وكلن توه مخلص من السمبوسه
- ايام .. اللاعياد .. نروح السوق مع الابوين .. ابي ثوب الدفه - ابي طاقيه - مابي بدله عشان مايضحكون عليك بالحاره - الصباح ابي قنابل ومسدس ابو 5 ريال
ايام .. مباريات الهلال والنصر .. اللي ينهزم فريقه يغيب بكره ماله وجه
- ايام .. حصه النشاط يوم الثلاثاء بالمتوسطه - نسكر الدرايش ونطفي الانوار ونجيب السجادات ونحطها عن الشمس .. ونطبل ونرقص ونقول : طااش ماطاااش المدرس انحاااش
- ايام .. الكشتات .. نحتري سياره الايسكريم ( العسكريم ) ونشتري منه ولاراح نحذفه بالحصا .. ينقال لنا اجرام واجرام
- ايام .. النتايج الشهادات .. نجي للمدرسه الظهر ويقول لنا المدير : روحو صلو بالمسجد وتعالو
نتحمس ونصلي وندعي .. ينقال لنا ان النتيجه بتتغير من راسب لناجح بظرف 10 دقايق !! الله يالبرائه
- ايام .. كمبيوتر العائله الاحمر القديم .. نشتريه ونلعب " الفطر " ماريو ونتحمس على الاغنيه
ولا على لعبـةالتسلب الجائع .. تاخذ المسدس بيدك وترميه و وجهك على الشاشه .. ينقال لنا جو فريسه
- ايام ثالث ثانوي .. الابو يقول شد حيلك ويسجلك بتقويه ويجيب مدرس خصوصي .. وهاه كم النسبه
وخويك اخر الليل يتصل وش ذاكرت و وش ماذاكرت
،
وش تبون بعد اذكر لكم .. الذكريات اللي ماتنسى .. صغار وهمنا نزعج العالم |
الله يسعدك ياشييييخ
والله ذكرتني بـ اشياء ناسيها من مبطي خصوصاً النفيخات الي بعد المدرسه خخخخخخخ