السلام عليكم ورحمة الله وبركاته
موضوعكم شيق وجميل في هذا المنتدى الطاهر العبق الابق اطلعة على كل ما خطته ايديكم وماجادت به انفسكم انتم متميزين في طرحكم وتستحقون الثناء انتم تعيشون في مجتمع متوحش غلبت عليه المصالح الماديه والطمع والجشع والبغض والكراهيه والحسد لا يقدرون ولا يتفهمون ولاكن هناك قله متعلمه متفهمه وتقدر وتحترم شخصك الكريم ولا تنظر الي البهرج الخداع ولاكن انا صار لي فترة عاطل عن العمل كنت في بداية الامر حساس واتقبل اللكمات والكدمات بصدر رحب من الكلام الي مثل الطوب وكنت اتاثر من الداخل نفسيتي تعبت وجلسة مع نفسي وحاسبتها حساب عسير

وراح اعطيكم خطوات التعامل مع المجتمع في فترة العطاله من واقع التجربة و من المراجع الاكاديمية في هذا الخصوص

القاعدة الاولى ... الحياة اخذ وعطاء يعني خذ وهات في كل المجالات ومن اهمها الاحترام والتقدير من يريد الاحترام يقدم التقدير ويحصل على الاحترام يعني قدرني احترمك . يعني يجي واحد لا يقدرك ولا يقدر وضعك ويبغاك تحترمه والله لو يطلع في راسه نخل اني لارد عليه وامسح بكرامته الارض


القاعدة الثانيه ... عيش جوك زي ما تحب وعليك با التطنيش مارس هوايتك وقابل الناس وحضر مناسبات الجماعه مبتسم وراسك في السماء ولا عليك من احد شوف الناس وانتم تعرفون الناس الي اقصد الناس الي تتفلسف وماعندهم سالفه غير انت توظفت هذولا شوفهم مثل الذباب ورد الكلمه بكلمتين ولا عليك من احد يعني على سبيل المثال انت في مناسبة عشاء مع الجماعه وجاك واحد يبي يحرجك في المجلس ويجي يقلك ها بشر توظفت وهو اصلا مايقابلك الا في المناسبات الرسميه ولا يعرف جوالك ولادرى عنك هذا اول ماترد عليه احرجه سوي هجمه مرتده قوله اشوفك مهتم وشايل همي وانت ماتدق على جوالي اذا تبي تسئل دق علي واسئل ماتجي تشخص على في المجلس ومسوي نفاق اجتماعي على حسابي مسوي انك اخلاق ومتابع وضعي وانت ماتعرف رقم جوالي اصلا .... الخ


القاعدة الثالثة والاخيرة ....... الزم ماعليك رضى الولدين وغيرهم طبق عليه القواعد وعيش حياتك الناس والله مادرو عنك الوالدين هم الي من جد شايلين همك والباقي ما عندك احد