الله يجزاك خير اختي الفين او ثلاث الاف ماتكفي لإيجار استراحه لانه صاحب الاستراحه بيعرف انك راح تأجريها

باليوم وماراح يأجرها اقل من 25 الف الي 30 الف خلال سته شهور اذا كان موقعها كويس ونظيفة وخاصتاً اذا

كان فيها مسبح راح يرتفع الايجار على حسب مساحتها ومكانها ومن خلال تجربتي انا كان عندي استراحه في

المدينة واستأجرتها لمدة سنه وكان فيها خير بس صاحب الاستراحة الله يهديه رفع علي الاجار وانا بصراحه

ماخارجة معاي وتركتها بس الاستراحه تعتمد عليك أولآ وثانياً على العامل لان العامل هو اللي يقوم بجرد

الاستراحه عند دخول المستأجر وعند الخروج اذا كان الاستراحة مافيها شي خلاص يعطية التأمين والتأمين أقل

شي 500 ريال وعندك الايام العادية مافي احد يستأجرها إلإ قليل مثلاً عند بعض المدرسين يستأجرونها يوم

الثلاثاء فقط يسمونها ثلوثيه من كل اسبوع يستأجرونها منك بالشهر بس يوم الثلاثاء فقط يجون وعندك

الاربعاء والخميس تكون دائماً مستأجره وعندك الصيفيه غير اغلب الايام مستأجره ولاعياد ايضاً بس الاعياد

ماتجرينها مفرد بمعنى عندك الايام الثلاث الاولى من العيد لابد تكون مع بعض ياخذها شخص واحد فقط انتبهي

لهذه النقطه غير كذا لاتأجرينها لانه في ناس كثير يرغبون في الايام الاولى من الاعياد لانه جماعاتهم كثير

واذا قررتي انك تاخذين استراحه انتبهي من الايجار مايتجاوز الاربعين الف ولابد يكون فيها مسبح ويكون

المسبح فيه فلاتر وتأكدي من تشغيلها قبل الايجار لان اغلب الزبائن اللي كانويجونا اول شي يسئل عندكم

مسبح فهم يرغبون المسبح اكثر شي وتأكدي بأن توجد غرفة خاصة للعامل وبعد ذلك تحسبين كم تتأجر

الاستراحة في هذا الموقع وتحسبي الايام العادية والاربعاء والخميس وايام الصيف وايام الاعياد وراتب العامل

والصيانة وتجمعين هذا كله هل هي تخارج مع الايجار ام لا اذا خارجة مع الايجار استخيري واستشيري وتوكلي

على الله واذا ماتخارج دوري على غيرها اتمنى لك التوفيق