السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اليوم انا رحت للكشف الطبي اللي هو اخر يوم طبعا الكشف مدته ثلاث ايام .
اليوم الاول جيتهم خمس ونص ( لازم تجون بدري يا شباب ) ترى اللي يتأخر يقولون له تجي بكره
المهم رحت للمعهد واخذونا تقريبا عددنا 30 شخص وبعدين ودونا للأدله الجنائي واخذو البصمات وخلصنا تقريبا 7 ونص وبعدين اخذونا للمستشفى وقالو انطقو لين ينادون على اساميكم طبعا الجوازات الكشف حقهم يبداء الساعه 11 يعني تجلس من 8 تقريبا إلى 11 , المهم دخلونا الساعه 11 وجلسنا لين الساعه 12 وبعدين دخلونا على الاشعه واخذو الاشعه وبعدين طلعنا وقالو تجون بكره قبل الساعه 7 طبعا للمستشفى يعني المعهد خلاص ما تروح له المهم دخلنا اليوم الثاني واخذو الطول والوزن ( طبعا اللي خايف من الطول والوزن لا يشيل هم ترى كلها تساهيل ) بعدين اخذو تحليل البول ( وانتم بكرامه ) بعدين اخذو عينه من الدم بعدين طلعنا وجينا لليوم الاخير دخلنا الساعه 7 وياهم لطعونا لطعه ( حسبي الله عليهم ) يبون يطلعون نفسيتك غصب المهم جلسونا على الكراسي وجلسنا تقريبا الى الساعه 9 وبدينا ندخل على دكتور الانف والأذن والحنجره وبعدين دخلونا على دكتور الجراحه ( لازم تنزل ملابسك) وتخلي عليك السروال الطويل المهم تدخل عند المصري ويشوف اذا فيك عمليات والا شي بعدين رحنا لدكتور العيون اللي هو اخر شي ,
وبعدين قالو تروحون للمعهد بعد يوم وبعدين اللي راسب بالفحص يعلمونه بالمستشفى ,
وبعدين يا شباب اللي احتياط خلو امالكم بالله كبير ترى فيه ناس كثير ما جو للكشف يعني انشاء الله بتكونون معنا بالدوره انشاء الله .

وانا جاهز لأي استفسار