[IMG]http://images.******.net/data/media/57/666.jpg[/IMG]


بنيت بعيون الشقا / قصر عالي
_____________ وقصور جرحي .... بالحنايا قصيه


آزفها .. صوت وصدى / من حبالي
_____________ ( صرخة معاق ) .. من آخري للبريه


آعيش وقتي ليل .. والصبح فالي
_____________ واشرب صديد الجرح ..غصبن عليه


آقولها ياصـاح ... مما جرالي
_____________ بيني وبين الناس / روحه ... وجيه


نظرات عطف / وصمت / وآنا لحالي
_____________ كني غريب .. بداخله .... ألف كيه


حياتي أمست بين همي / وبالي
_____________ تحصيل حاصل .. والليالي عصيه


العمر راح .. وفيه كان اغتيالي
_____________ لابيت / لا معنى / ولا لي حـميه


بين السما والأرض / ضاق احتمالي
______________ عاجز بلا جنحان .. والحزن ليه


انسان ..!! أي انسان .. والغير سالي
______________ الذات فيهم .. صارت اكبر خطيه


ماشافوا اللي .. بين الاضلاع صالي
______________ لو شبّ فيهم .. كان صارت قضيه


مير البلا .. ماحس بي غير حالي
______________ الله واكبر .. وش بقى في يديه ؟؟


باقي وباقي / ملح / والملح حالي
______________ لاصار..عزمي صبر .. وآمال حيه


أنا جبل .. ماهزني .. رمي جالي
_______________ يزيد طولي .. بالرمي والأسيه


قضيتي / حلمي / حياتي / قبالي
_______________ آعيشها بالشمس ... وتصير فيه


الله كتبها .. في جبين الليالي
_______________ قدّر ..! عليه النفس .. دايم رضيه


آقولها عاجز ... وعجزي ظلالي
_______________ يوم الجسد صوره .. بدون الهويه


العقل .. ! ميزاني / وخيل ارتحالي
_______________ والروح فيني .. ثايره / فوضويه


والله .. لابني قصر .. بالروح غالي
_______________ ولاخير .. بقصورٍ .. تناطح خليه


إما كذا ..!! ولا بلا .. صوت عالي
_______________ لا خير في صوتي ..!! ولا خير فيه ..!!