السلام عليكم ورحمة الله وبركاتة
اخواني الغالين هذي مشكله يعاني منها الكثير من الناس واولهم انا
المشكله هي بالنسبه للوظائف الحكوميه وبالنسبه العسكرية وهي تكون لسعوديين فقط بس المشكله اللي اقصدها بهالشي اللي يكون ابوه اجنبي وامه سعوديه ويحصل على الجنسيه السعوديه ويكون سعودي ويقدم في اي قطاع حكومي ليش يتم الرفض من قبل هالانسان مع انه سعودي ويحمل بطاقة احوال ........
يعني هالانسان اللي تنازل عن كل شي وانضم الى ديرة امه وصار سعودي والمفروض يحقله انه يتعامل مثل اي سعودي بس الاحظ العكس ويتعامل مثل ما كان
اسألكم بالله هذا منطق انكم تشوفون لكم اخ ويكون معاني من هالمشكله وش يكون ردة فعلكم من هالناحيه وان السعودي الاب عن جد يتهرب من الوظائف العسكرية واتوقع ان هالانسان اللي حاصل على الجنسيه يرضى بكل شي يخص البلد اللي انضم لها
وهل ياترى ممكن لكل واحد يلقى حل لهالمشكله؟...
اتمنى يالغالين افادتنا بهالمشكله وياليت يكون لها حل عندكم لأن والله ثم والله ان الواحد صار يحس انه غريب وانه مو سعودي مع انه يحمل هالبطاقه وهو يفتخر فيها ويتمنى يقدم كل شي عشان البلد اللي ضمه وصار في عز هالبلد والله لا يغيرها علينا يالغالين
سامحوني على الاطاله بس انا من ضمن هالناس ولازلت اعاني من هالمشكله
ولكم تحياتي واشواقي والله يوفق كل انسان في العمل الصالح ويكون سبب سعادة اهله يارب العالمين
اخوكم / غالي الاثمان