●●
فكرت اعلق صورك ومالت الفيه على جدار
وتخاصمت ياحبيبي كل جدراني عليها
قلت اكسب احلام غرفة باختياري واخسر الدار
ويكفي الداريارجواي بوح صورك فيها
وازهر فالاسمنت حوذانة غرام وفز نوار
عقبها ارتجف سقفها وركونها منها واليها
كن الصور ياحبيبي كلمة ف شفاه ثرثار
اوكنهالاقريت الوانها وخطوط ايديها
لهفة شرارة تشظت في انفجار الطيف والنار
في عتمة لوسرت عنها الليالي تحتريها
يفنى الدجى والفصول الاربعه وتجف الانهار
يبقى الندى في ورقها وفي ثياب ترتديها
في صورتين ابتساماتك يمين وعينك يسار
كان اشافيك تكذب كذبة لي وافتريها
فيها سنينك خمايل ياسمينك والجلنار
يالي فداياك عمري وامنياتي لو تبيها
وعيونك الي تكحل بالدجى وتقول الاشعار
الله يخلي هدبها لي ويرحم والديها
سميته الدايرة للي يبي يتعب ويحتار
او كنها سالفه من منتهاها تبتديها
وفـ صورة مثل حبس الما بكف وحرث الاوتار
الي تشدك لها من وين ماعينك تجيها
واحة نخل حولها كن السراب بحور واسوار
من دونها ضيعه العاشق لو انه مبتديها
