اخوي عبدالله عبدالرحمن
اتصلت على الرجال .. وصار بينا كلام طويل , حبيت اني اقوله بهالموضوع لتعم الفائدة
يقول انه اول مره سافر كان في عام 2001 كان يسمع مثله مثل غيره عن التجارة بالصين والاسعار الى كانت هناك فيقول اني رحت واشتريت أغطية جوالات ورديت وبعت فقط ربع الكمية وبعد فتره قصيرة نزلت جوالات موديل جديد فتورطت لاني مابعت الكمية الباقية والناس صرفت النظر الى جوالات جديدة فيقول بعت الكمية المتبقية بنفس سعر التكلفة على احد التجار بش الأنفس وبدورة وزعها فيقول بعدها حرمت اني أروح لأني كدت ان اتعرض للخسارة ..
يقول وبعد سنتين 2003 سافرت واشتريت شنط وبعتها وكان فيه ربح بس المشكلة انه كنت انتظر شهر ونص عشان تجي البضاعة بس كان فيه ربح ... وكانت عندي مشكلة في التوزيع
يقول بعده فكرت شلون اجيب بضاعة غالية وهي خفيفة وحجمها صغير .. ففكرت بالعود (من كمبوديا ) او القطع الالكترونية فيقول رست على القطع الالكترونية فيقول سافرت للصين وكنت اشتري قطع الأجهزة الى تكون صغيرة وهي غالية بالسعر وكنت اجيبها معي بنفس الرحلة وكنت اشتري شغلات مثل كامات وسيديات واخليها عن طريق الشحن , فسئلته عن نوع الاشياء الى يشتريها . فذكر منها اشياء قد اغلط أنا في كتابتها لعدم معرفتي بها لانه ذكرها بشكل سريع فمنها مثلا
هاردسك خارجي
رامات صغيرة
رام لابتوب
وشغلات اللاب توب الى تكون عن طريق USB
فلاش مومري (يقول كثير ما اصادف فلاشات مومري مضروب واتحملته انا )
فيقول الحمد لله الشغلة معي تمام مع انه اول ماجبت اغطية الجولات فشلة بس واصلت
فيقول النصيحة هي انه يأخذ نصف المبلغ الى عنده ويشتري فيها البضاعة ويجرب هل هو يقدر يصرفها . ويقول البضائع كثيرة كل شي تبيه موجود بس قبل لاتفكر بالشراء فكر وشو البضاعة الى يقدر يصرفها . سواء ملابس اشنطة , أحذية . اواني منزلية الخ
فيقول خله يشوف وش القطع الى توافق الأجهزة الى ماشيه عنده بالسوق ويمكن تسويقها فيقول توشيبا وايسر ماشيه سوقها عاد أنت اخوي عبدالله تسأل وش إلى ماشي من قطع اللاب توب ومن الى ذكرته فوق
ولا تنسى النصيحة كل ما قل وزنه وحجمة وارتفع سعره ولا تغامر بكل فلوسك خذ النصف
وبالتوفيق وعسى أن أكون قد أفدتك وأفدت الإخوان الذين يفكرون بشراء أي شغله من الصين