يا شباب هدو شوي لا تطيرون بالعجه على قولتهم 
اول شي بفهمكم حاجه...
طلبت وزارة الخدمة المدنية من (13359) مواطنا مراجعة فروع الوزارة ومكاتبها بمختلف مناطق ومحافظات المملكة اعتبارا من يوم الاثنين 27/4/1431هـ حتى نهاية دوام يوم الأربعاء الموافق 14/5/1431هـ حسب تقويم أم القرى، بهدف مطابقة ما سجلوه على موقع الوزارة على الانترنت من بيانات مع لديهم من وثائق أصلية، والمطلوب مراجعتهم هم من تمت مفاضلتهم ممن سبق أن تقدموا لمفاضلة حملة الدبلومات مادون الجامعية (الرجال) الراغبين بالعمل الحكومي في الوظائف الإدارية والفنية والحرفية والصحية على موقع وزارة الخدمة المدنية على الانترنت خلال الفترة من 25/1/1431هـ حتى 19/2/1431هــ.
وأوضحت الوزارة أن هذه الدعوة لا تعني الترشيح وإنما لمطابقة بيانات المتقدمين المعلنة أرقام تقديمهم بناء على ما تم تسجيله من قبلهم على موقع الوزارة مع أصول الوثائق الرسمية.
وطلبت الوزارة من المعلنة أرقام تقديمهم عند مراجعتهم فروع ومكاتب الوزارة اصطحاب الوثائق التالية للمطابقة
الكلام اللي بالاحمر لو تشوفونه مكتوب انهم اعلنو هالارقام للتأكد ومطابقه بيانات المتقدمين..بس الحين بعضكم يقول ليه ما طلعو كل الاسماء اللي عندهم..أرد عليه واقول بالمنطق صعبه يستدعون اكثر من 100 الف في اسبوع او شهر..هم مقسمينها على اجزاء كل جزء من الارقام ينزلونها بفتره..وأتوقع والعلم عند الله أنه الارقام موزعه على حسب المدن علشان بعض مكاتب الخدمه المدنيه ما تنزحم لو كانت ارقام عشوائيه..يعني الارقام مالها اي علاقه لتاريخ التخرج او المعدل او التخصص ..الارقام نزلت للمطابقه وكل فتره بينزلون ارقام جديده بأذن الله
وواحد يقول اغلب اللي ردو بالموضوع ما انقبلو..اقوله كم واحد رد بالموضوع 100 او 200 او 1000 بالكثير..ولو نفترض انه 100 الف شخص سجلو بالموقع ونزلو 13 الف رقم يعني حاسبيا باقي 87 الف رقم يعني شي طبيعي اغلب اللي بالموضوع ما نزلت ارقامهم 
أتمنى وضحت اشياء من اللي فهمته وممكن يكون كلامي غلط..وعلى فكره أنا قدمت زيكم وما طلع رقمي وربي بيسهلها ان شاء الله..بس أحسنو الظن
موفقين شباب