اللي بقا لـي فـي غيابك..سكوتـك

واللي فقدتـه مـن غيابك..حنانـك


عذرك معك لو خبرونـي بـموتـك

وحقي عليك ان كان عـذرك زمانـك


ماكان موعد..وأعذرك لـو يفوتـك

أنا انتظـرت العمـر كلـه عشانـك


غبت ورضيت ..وبعدها..غاب صوتك
وأبطيت أكذب.. من يقولون خانـك


بالله كيف تحس فـي طعـم قوتـك
لا من ذكرت أنسان..خنته.. وصانك


ماكـن قلبـه واحـد مـن بيوتـك
من تحت سقفه كم شعرت بأمانك ؟؟!


وراك خليته..لعتمـة سكـوتـك ؟!
وأنا ما غير أعشمـه فـي حنانـك


في غيبتك يـا كـم تمنيـت موتـك
أقل شي.. أرتـاح وأعـرف مكانـك