اقتباس:
المشاركة الأصلية كتبت بواسطة منغنغ ومريش
فكرة انه هو عليه البضاعة هذي ماتمشي وهذي بداية الغلط وخلك حذر منه مادام هذا تفكيره
يعني لو خسر المحل هو بياخذ البضاعة وانت وش بتاخذ ؟ الديكورات ؟؟
هذي ماتقدر تشيلها ولاتسوى شئ
اما هو بياخذ البضاعة بحجة انه ملكه وهو مشتريها بنصيبه وهذا بداية الاتفاق وبيروح يصرفها وما يخسر شئ وانت فلوسك بتروح ملح و بتخسر كل شئ
انتبه
قوله يدفع معك كل شئ النص بالنص حتى البضاعة مع بعض تشاركه فيها يصير اذا لاقدر الله خسرتوا تاخذ نص البضاعة وتبيعها بمعرفتك وتعوض جزء من خسارتك ... فهمت النقطة هذي ؟
الوديكور بيخسر فيه معك مو تشيل الخسارة لوحدك ؟ وفواتير البضاعة اللي تشترونها تكون باسم المحل وليس باسم احد منكم وتكون معاه في وقت شراء البضاعة وتعرف سعرها بكم
مو يجي يقولك انا شريت البضاعة بعشرة الاف وتقيدها على المحل بعشرة وهو يكون شاريها بخمسة الاف وانت تدفع هالخمسة بحجة انك بتدفع النص وهو مايدفع شئ وانت على بالك انه دافع
هذي اشياء لازم تكون معاه فيها ماتخلي له المحل يسوي فيه مثل ما يبي
تسوي لك نظام بالكمبيوتر اي شئ يدخل المحل يتسجل له رقم لكل قطعة بكم دخل وبكم انباع واي قطعة ما عليها رقم باركود تاخذها وتصادرها
وحط له واحد اجنبي معاه يقعد محاسب وقوله هذا راتبه علي انا باشغله هنا يصير يراقبه ويقعد له خازوق ماينباع شئ الا والهندي واقف عليه ويمرره على الجهاز
وحط لوحة بالمحل كبيرة اي شئ تاخذه بدون فاتورة او تدفع عليه سعر اقل من الفاتورة تاخذه مجانا يصير مايسجل بالفاتورة انه القطعة بـ 100 وهو بايعها بـ 200 او يبيع بضاعة بدون فاتورة وبدون مايسجلها بالجهاز
يصير مايطلع شئ بدون فاتورة من المحل
انا كان عندي بسطة في الحج وواقف على الدرج حق الفلوس بنفسي ماحد يقربه حتى مانسرق ومع ذلك انسرقت وانا واقف على بسطتي بنفسي ... كيف ؟
كان يجي الزبون يشتري بـ 50 ريال ويعطي العامل 100 ريال
يجي العامل و يقولي ابويا هذا نفر شيل بضاعة 20 ريال خذ هذا 100 ريال جيب باقي
اقوم اعطيه الباقي 80 ريال يروح هو يعطي الزبون 50 وياخذ بجيبه 30 ريال ...!!! وانا مع كثر العمال والشغل مانتبهت لهالحركة وماكنت اقدر احاسب كل زبون بنفسي لانهم كثير فقعدت على الدرج مسوي حريص وفطن
ومع ذلك انسرقت وانا اضحك مع العلم اني مفتشهم قبل مايشتغلون وماخذ كل اللي بجيوبهم واقولهم اي واحد الاقي بجيبه ريال باخذه وافتشهم قبل يروحون للحمام او يخرجون من المحل فكانوا متفقين مع واحد يجي كانه زبون ويعطونه الغلة باستمرار
الزمن اليوم اختلف ولاتثق باحد ابدا والله يكون بعونك
|
جزااااااااااااااك الله خيررررررررررر من جد اتفدت من كلامك كثيرررررررررر
ملم باشياء كثيره عيني عليك بارده