اقتباس:
المشاركة الأصلية كتبت بواسطة متى اتوظف بأه
السلام عليكم ورحمة الله
انا ابي اقدم اخذ قرض و اشغله بالاسهم لاني ابغى اشتغل من بيتي لانه يناسبني مرره وافهم في الاسهم اكثر من اي مشروع اخر
ويناسبني كإمرأه متزوجه يرفض زوجها خروجها من البيت للعمل
او اني اخذ هذا القرض واعطيه والدي يتاجر لي به في السيارات او الاغنام << ما ادري عن ارباحها هل هي جيده؟؟؟
فقلت اقدم على باب رزق جميل بس اخاف ما يعطوني ويقولون انه بعد مااخذ القرض لازم اروح عند اي محل عطورات يختم لي الشيك ويأخذ 2000 ريال فسألنا شيخ وقال هذااا حرااام فهو تحايل على الربا والله اعلم
وما ادري عن صندوق المئويه هل يعطوني او لااااا؟؟؟
اتمنى الاجابه على الاسئله 
وشكرا
كتبت هذا الموضوع قبل بس ما احد جاوب قلت انقله هنا |
وش اللي تفهمينه في الاسهم !!
انا من عام 2005 اشتغل بالاسهم وخلال مايقارب الخمس سنين هذي مافهمت اي شيء فيها ولم ارى اي منطق تمشي عليه الاسهم !! وانتي كيف فهمتيها ووش اللي فهمتيه !!!!
اذا فهمك مقصور على وضع اوامر البيع والشراء فهذي يفهمها اي شخص وماراح يقدم لك هذا النوع من الفهم نجاح في هذا المجال
واذا قصدك ان عندك دراية في التحليل المالي والفني فغيرك اشطر ومانفعهم لاتحليل مالي ولا شارتات ورسوم لان سوق الاسهم السعودي لايخضع لالتحليل مالي او فني ابدا ومن نجح فيه نجح فقط لانه يملك معلومه والمعلومه لن يحصل عليها الا اذناب الهوامير ومن لهم علاقات مع مديري كبار الصناديق الاستثماريه