بقولك شيء بيرتفع ضغطك
انا قفلت معي الأخلاق ولا جاني تعيين في التدريس .. وحصلت الأعلان في البطاله التقديم في الأمن
جامعيين في الأدله الجنائيه .. قلت يا ولد ما بدهااش وعلى طول قدمت .. ويقبلوني مبدأي
والله واروح للرياض واتكي مع العيال خوياي كلهم عسكر .. واحلق على واحد واجهز عمري
واجهز اوراقي وكل شيء تمام .. واروح اليوم الثاني وادخل واقدم شهادتي ولقيت واحد اعرفه
في القبول والتسجيل عسكري مدرب .. واسلم عليه ..يوم شاف شهادتي بغى يعطيني بكس
قال يا ولد حرام عليك شهادك زينه واصبر بيجيك تعيين ومن ذا الكلام .. قلت والله انك صادق
لكن ياخوك انا طفشت .. والتعليم شكله مطاولني .. وابي انهييها مع ذا البطاله اللي اشغلتني
وجلس يبربر فوق راسي .. قلت يابو اخلص علي وخلني اخلص اموري .. وآآخذ الطول والوزن
كله تمام ويعطوني الدفتر علشان اكمل بيناتي وعطوني ورقه للأحوال والفحص الطبي
والوضع خلاص منتهي .. وارجع لشباب في الشقه واعلمهم بسالفة الملقوف اللي قابلته
واجلسوا يقولون والله انه صاادق .. وحرام عليك بيجيك تعيين وفكك من العسكريه .. ياخي اصبر
ما فيها شيء وعاان فلان صبر وتعين وعاان فلان الثاني مدري ايش .. وحطمووني تحطيم قوي
وجاء واحد من العيال ملقوف بعد ويشق الدفتر مسوي علشان ما اخليك تفكر واجد
قلت يا شباب امر الله في سعه واللي تشوفونه نصبر على التعيين والله يجيبه
لكم الله يا رجاجيل ان التعيين يسمعكم الا ألحين .. لا تعيين ولا وظيفه حسبي الله ونعم الوكيل
رسبت في القياس الله لا يوفقهم واحرموني التدريس .. وألحين في عثايرها ..
3 سنوات وداخل في الرابعه .. ولا ندري وش نسوي توهقت .. ابي التقديم يفتح من جديد
وخل واحد يجيني يقول تدريس وتعيين حرام لأشوووته
وسلامتكم جميع ..
