سلام عليكم ورحمة الله ابن بطوطه عند وعده
توني واصل المدينه والحمد لله بس مره نعسااان المهم
المساله باختصار حضرت للمقابله في مقر المعهد الفكري الساعه 11 صباحا الاحد
الي صار معي :
المرحله الاولى :
1- تدقيق للاوراق ( تروهم مشددين مره على الاوراق يعني جهز الاتي
1- بطاقه اصل وصوره
2- وثيقه اصل وصوره
3- سجل اكاديمي اصل وصوره ( وماشفتهم دققو او طلبو ترجمه ابد ابد هذا الي شفت انا )
4 - بالنسبه الي ماعنده سجل يعني المتوقع تخرجه مشددين على مسالة انه يجيب افاده ويكون منصوص فيها ان الطالب في المستوى الفلان ومتوقع تخرجه ) وللمعلوميه رجعوا ناس واااااااااااجد على هذي الشغله 
المرحله الثانيه :
يقول لك استريح ننادي اسمك علشان تدخل على لجنة المقابله
طبعا والله ياشباب من يوم مادلخلت الى ان خرجت ماقابلة شخص مسؤول سوا في التدقيق او اللجنه او غيره الا والله انه مبتسم ويشرح الصدر يازين اخلاقهم والله .
المرحله الثالثه :
الدخول للجنه مكونه من ثلاث اشخاص وانت على نفس الكرسي يعني يسالك الاول ثم يقول للثاني عندك ثم يقول لثالث عندك ووكذا
انا تخصصي تربيه خاصه جميع من قابلت من زملائي كانت الاسئله نفس الشي وهي
1- لماذا اخترت هذا التخصص ( هذا السوال مافيه احد ماسالوه اياه
2- تخصصك وشو تقول فكري يقولك عرفه او ماذا تعرف عنه قرقر لا تسكت ابد كل ماسكت ترا بيسالك اكثر .
3- طالب عنده فرط نشاط كيف تتعامل معه ( نفس الشي سوال للجميع )
4- شخصيه اثرت في حياتك ولماذا
5- كم سنه لك متخرج وماذا فعلت في هالسنين طبعا لا تكذب ابد قول الصدق بس لا تخربها خلك ثقيل ومبتسم
طبعا كل هالفله صارت في ثلاث دقائق بدون مبالغه وكانوا فله مره يضحكوا وغير مركزين عليك ابد
زميلي الثاني كان تخصص رياضيات ثانوي
نفس الموال :::::::::::::::::::::::::
مقابلته كانت كالتالي على لسانه يقول :
اول سوال كان عرف بنفسك يعني اسمك ومعلومات عنك
السوال الثاني كان فرج عليه وهو ماهي هوايتك قال هوايته المتواضعه وقلبوها سوووووالف وفله وطيبت خاطر
وسلامتكم والله ياشباب الامور جدا جدا سهاله وسعت صدر مو مثل كلام بعض الشباب يارجال مصعبين الامور ليه مادري وسلامتكم
امور مهمه صارت معي 1- اكثر من الاستغفار طول طريقك وفي وقت الانتظار وخل عنك البربره الي مال امها سنع
2- قبل ماتدش اللجنه تقول اللهم ادخلني مدخل صدق واخرجني مخرج صدق واجلعل لي من لدنك نصيرا )
3- خلك وسيع بال ولا ترتبك وسلم على اللجنه وافتح خشتك بس بحدود
الله يوفقنا وياك واي استفسار اتصلوا علي نفسي احط رقمي بس خايف اتلطش من الاداره بس الي يبي شي يرسل خاص ويبشر بعزه
ولا تنسو حمد وشكر الله عز وجل اولا واخر سبحانه فابالشكري تدوم النعم
كانا هنا مراسلكم حمودي المدينه المنوره