المشاركة الأصلية كتبت بواسطة آلدانه

السلام عليكم

صراحه لي كم يوم احوس في النت عن مشروع مقصف في مدرسه واحسه مربح وعليه اقبال من المعلمات والبنات بس لاتتوقعين تكونين تاجره الا اذا كان بتمسكين المقاصف الا بمدينتك كلها

بس وشلون الوحده تستاجر مقصف في مدرسه سواء حكوميه او اهليه ؟

وين اروح ووين اسال ؟ مالك الا مديرة المدرسة هي اللي تقدر تفيدك او بالاصح تقدر تخليه من نصيبك واذا كان حولكم قرية ترى بالراحة تاخذين المقصف والله اعلم

وكم قيمة الاجار ؟

هل هو سنوي او شهري او كل فصل دراسي ؟ اتوقع انه سنوي والله اعلم

وهل هالمشروع فيه غثا وشغل سين وجيم وكفيل وولي امر وحوسه ؟

ومن وين اجيب وحده توقف على المقصف ؟ انتي توقفين على حلالك احسن لك والا تحطين وحده ثقة من قريباتك بس الافضل انتي عشان تعرفين اصول البيع والتعامل << لايكون فاتحه محل ملابس نسائية وانا مادري


صراحه احسه احسن مشروع اشوف خواتي الابتدائي مصروفهم على خمسه والثانوي عشره ويجون مامعهم ريال

يعني لو المدرسه فيها مثلا 200 بنت وكل وحده مصرفها مثلا 5 ريال في اليوم 1000 ريال
هذا متوسط الربح خاصه لو كانت مدرسه اهليه من غير المدرسات بعد

افكر اتعاقد مع محل يوصلي كل يوم ساندويتشات فلافل وبطاطس وورق عنب وذره وآيسكريم وبسالهم وش يحبون واجيب لهم خخخخ
غير الشيبسات والشوكولاتات والعصيرات بدلعهم يعني بس لازم تزودين في السعر حبتين


بالنسبه لي يعني توني متخرجه ودجه اشوف نفسي في هالمشروع لين تجيني وظيفه حكوميه زينه

وش رايكم؟ انا اشوف انه احسن حل لك افضل من الجلسة البطالية على غير سنع وربي يوفقك<< شكلي برو ح اشوف لي مقصف
ياليت القى اجابات لاسئلتي

الله يسعدكم