مــشـــروع نـاجح بتوفيق الله سبحانه و أنا لي تجربه من غير قصد و حبيت أحكيها لكم
سويت حادث بسيارتي (مقدمة السياره) و قطع الغيار غير متوفره في المنطقه و اذا لقيت تكون غاليه، وكنت مضطر أدور في التشاليح لعل و عسى
رحت أدور و ما خليت مكان
و قلت مالي إلا تشاليح جده (أم الرخا و الشدهـ) و قبل ما أقرر السفر لمحت سياره مثل سيارتي واقفه في ورشه على الطريق، قلت ليه ما أسأل صاحب الورشه من وين يوفر قطع الغيار لهذه السياره ، و يوم قابلت صاحب الورشه قال لي ان السياره مخبطه و صاحبها صار له فتره راميها و لا جاب قطع الغيار (ماكينه) لأنها غاليه.
قلت طيب ما يبغى يبيعها بوضعها الراهن؟
عطاني عنوانه و رحت قابلته، و اتفقنا على سعر (5000ريال). بصراحه أنا ماصدقت
و خذت السياره ساطحه و قابلت نقطة تفتيش أمن الطرق، سألني عسكري السياره للبيع؟
قلت لا بأشلحها قال تبيع الجيربوكس ؟ قلت ليش لأ ، قال بكم؟ قلت كم تدفع؟ و أنا عارف انه غالي
المهم قال أعطيك (3500ريال) بعد ما أعرضه على ميكانيكي، قلت خذ رقم جوالي و دق علي بكره خذ الجيربوكس
جاني اليوم الثاني و معه زميله يبغى بخاخات البنزين و بعض قطع الديكور الداخلي و بعت منه اللي يبغاه بـمبلغ (1800ريال) يعني (3500ريال + 1800ريال = 5300ريال) و بكذا رجع لي اللي دفعته وزياده 300ريال
و باقي القطع حسبتها على أقل تقدير و اذا سويت تخفيضات هائله تجيب حوالي 13000ريال
بالإضافه إلى اني وفرت قيمة القطع اللي احتاجها
... عذرا على الإطاله ــــ