اول مامشيت رحت ادور مصوور ومالقيت احد فاتح غير 7 ونص واصور واروح لهم .. والقى الناس متجمعه واتصل على " الامن العام وبس " رقمني ورقمته قبل مانمشي هههه واسلم عليه ونتكي وسواليف ونوقف عند البوابه وندخل بالسرى ونشوف الناس طوابير ويردونهم ياكثرهم استغربنا قال لنا العسكري ردو عشان الشعر !! شعري محلق رقم 4 وقال احلق رقم صفر وتعال يلعن ام الحاله وين نلقى حلاق فاتح الحين واطلع ابي لومزين وكلهم نصابين على 15 ريال واشوى لقيت خويي الامن العام وبس .. معه سياره وقال مشينا ندور حلاق العالم كلهاطالعه تدور حلاق ونروح نفرفر بحي النهضه وندور حلاقين ماش ونقلط عند بيت خوينا يقول عنده مكينه يوم جاب المكينه طلع مافيها شاحن .. ونبتلش مره ثانيه ونروح ندور حلاق وش هالمرمطه ذي ماعمري شفتها وربي حاله ونلقى حلاق على 8 ونص ونحلق ونرجع للمدينه التدريب والناس داخلين قبلنا بس قليلين وفيه ناس مطلعينهم المهم خويي دخل واعطاهم الاوراق وانا قال لي رئيس رقباء .. انتظر برىى واجلس ع الكراسي ومعي 4 واسئلهم انتم وش قالو لكم قالو حنا تو مقدمين جدد ... واقول اخخ يالواسطات وانقهر وارجع لهم بالصاله قلت ماهي حاله تلطعوني برى وانا اوراقي كامله وادخل على جندي مطيري .. قلت انا ولد عمك .. ترى اوراقي كامله قال وين الكشف والبصمات؟ قلت له مع المستشفى والادله .. قال هات اثباتك واعطيه الاثبات ويروح يشوف اوراقي ويرجع لي بعدها بربع ساعه قال خلاص اوراقك وصلت لنا بس الحين مايمديك تسوي مقابله شخصيه , قلت تكفى ياولد العم ابيها اليوم من اليوم ارجع وانتم تمترون فينا حلاقه ومدري وش .. قال ماقدر اسوي شي الرئيس هذا كلامه .. قال بكره تعال الساعه 7 وادخلك وعد .. قلت طيب وانا ميت قهرر واطلع واشوف ناس طالعه واسئل كذا واحد واحد يقول اوراق البصمات ماوصلت لهم وتوهق راح يراجع الادله يجيبها واللي يقهر والعن والعن تشوف ضباط والله كذا ضابط داخل ومعه واحد معه ملف جاي متاخر ومضبط وضعه وحنا نتلحط لابوهم لابو نظامهم يعني بالعربي ياشباب اللي بيجي موعد المقابله الشخصيه يجيهم محلق مكينه رقم صفرررررررر .. ويشوف اوراقه اذا وصلت ولا لا اذا ماوصلت يروح يجيبها بنفسه الظاهر المهم خويي " الامن العام وبس " اخبره يضبط اوراقه ويبي يسوي المقابله وننتظره