اقتباس:
المشاركة الأصلية كتبت بواسطة مقلعه والله يستر
السلام عليكم اشكرك على هذا التواصل والرد اخوي فتى نجد ....تصدق فقدت الامل اني القى منك جواب كل يوم أدخل أشيك وماالقى جواب فقلت يابنت مالك أمل بس الحمد لله انك رديت ودي استفسر عن سوق ديرة اللي تقصده سوق نايف واللي حوله او هذا سوق ثاني ،، وش رايك بموول يقولون اسمه التنين الصيني ,,ومعليش استحمل اسئلتي الكثييرة لك تعامل مع محلات لبنانية مو بالضرورة تكون نفس النشاط اللي نبي؟؟؟ ودمت بخير
|
وعليكم السلام ...
ارجو من الجميع العذر في التأخر بالرد , ويعلم الله اني احاول انتهز أي فرصة للرد على استفساراتكم .
صحيح سوق ديره الغالب يسمونه سوق نايف , ولكن مشكلته يحتاج وقت وبحث دقيق عشان توصلون للمحلات المتخصصه بالموديلات الراقيه , يعني لاتبنون انطباعكم عن نوعية بضائعهم من المحلات اللي على الشوارع فقط , وعموماً طلباتكم موجوده في نفس سوق ديرة واقرب شي لها ( سوق الذهب أو سوق عكاظ ) واروع الموديلات موجودة من ( شنط + اكسسوارات + بلايز + جزم + فساتين + ........ الخ ) وانا انصح بدبي وبقوه ولكن تبي وقت وجهد في أول مره فقط وبعد كذا خلاص بتعرفون المحلات وترتاحون .
بالنسبه لسوق ( الـتـنـيـن الصيني ) هذا أكبر كـــــذبــه في تاريخ دبي , وبعيد مررررررره عن دبي واسعارهم غاليه جداً وأغلى من السعودية , وعلى فكرة نسبة 70% تقريباً من الشركات الصينيه الموجودة في دبي تستخدم هذا السوق لتصريف استوكاتهم ( يعني البضائع القديمه اللي ورطانين فيها ) وبأسعار مرتفعه بعد .
بالنسبه للبنان للأسف مالي أي تجربه تجارية فيها , فقط سياحية .
وموفقين بإذن الله ,,,